വെസ്റ്റേൺ ഏഷ്യൻ യൂത്ത് റാപിഡ് ചെസ് ചാമ്പ്യൻഷിപ്പ്: പാലക്കാട് സ്വദേശിനിക്ക് രണ്ടാംസ്ഥാനം

പാലക്കാട്: വെസ്റ്റേൺ ഏഷ്യൻ യൂത്ത് റാപിഡ് ചെസ് ചാമ്പ്യൻഷിപ്പിൽ പാലക്കാട് സ്വദേശിനിക്ക് രണ്ടാം സ്ഥാനം. കണ്ണാടി പരപ്പനയില്‍ ഷാജിയുടെയും സ്വാതിയുടെയും മകള്‍ എസ് പൗർണമിയ്ക്കാണ് അഭിമാനനേട്ടം. അണ്ടർ 18 ഗേൾസ് വിഭാഗത്തിലാണ് പൗർണമി മത്സരിച്ചത്.

2019ൽ അണ്ടർ 10 ​ഗേൾസ് വിഭാ​ഗത്തിലും പൗർണമി വെള്ളിമെഡൽ നേടിയിട്ടുണ്ട്. അതേവർഷം നടന്ന കോമൺവെൽത്ത് ചെസ് ചാമ്പ്യൻഷിപ്പിൽ അണ്ടർ 10 വിഭാ​ഗത്തിൽ ഏഴാം സ്ഥാനവും നേടി. 2021ൽ നാഷണൽ സ്കൂൾസ് ചെസ് ചാമ്പ്യൻഷിപ്പിൽ ഒന്നാംസ്ഥാനവും കരസ്ഥമാക്കി.