വിഎച്ച്എസ്ഇ വിഭാഗം എൻഎസ്എസ് അവാർഡുകൾ പ്രഖ്യാപിച്ചു

തിരുവനന്തപുരം : പൊതുവിദ്യാഭ്യാസ വകുപ്പ് വിഎച്ച്എസ്ഇ വിഭാഗത്തിന്റെ നാഷണൽ സർവീസ് സ്കീം പ്രവർത്തന മികവിനുള്ള 2024-2025 അധ്യയന വർഷത്തെ സംസ്ഥാന / ജില്ലാതല പുരസ്കാരങ്ങൾ പ്രഖ്യാപിച്ചു. മികച്ച സ്കൂൾ യൂണിറ്റുകൾക്കുള്ള സംസ്ഥാനതല പുരസ്കാരത്തിന് തിരുവനന്തപുരം വിതുര ഗവ. വിഎച്ച്എസ്എസും കാസർഗോഡ് കൊടക്കാട് കെഎംവിഎച്ച്എസ്എസും അർഹരായി. വിതുര ഗവ. വിഎച്ച്എസ്എസിലെ അരുൺ വി പിയും കൊടക്കാട് കെഎംവിഎച്ച്എസ്എസിലെ എം വിനിതയുമാണ് മികച്ച പ്രോഗ്രാം ഓഫീസർമാർ.

കോഴിക്കോട് റഹ്മാനിയ വിഎച്ച്എസ്എസിലെ ഹിബ ഫാത്തിമ ഇ, മലപ്പുറം കൽപ്പകഞ്ചേരി ഗവ. വിഎച്ച്എസ്എസിലെ അനുശ്രീ കെ, ഇടുക്കി, തൊടുപുഴ ഗവ. വിഎച്ച്എസ്എസിലെ അലൻ ജെ വി, കോഴിക്കോട് പരപ്പിൽ എംഎംവിഎച്ച്എസ്എസിലെ മുഹമ്മദ് ഗെയ്ത്ത് എൻ വി എന്നീ വിദ്യാർഥികളാണ് മികച്ച വോളണ്ടിയർമാര്‍. ഇടുക്കി അടിമാലി എസ്എൻഡിപി വിഎച്ച്എസ്എസും സ്കൂളിലെ പ്രോഗ്രാം ഓഫീസർ നിതിൻ മോഹനുമാണ് പ്രത്യേക സംസ്ഥാനതല പുരസ്കാരം.

തിരുവനന്തപുരം കിളിമാനൂർ ആർആർവി വിഎച്ച്എസ്എസ്, കൊല്ലം ചാത്തന്നൂർ ഗവ. വിഎച്ച്എസ്എസ്, പത്തനംതിട്ട വയ്യാറ്റുപുഴ വികെഎൻഎം വിഎച്ച്എസ്എസ്, ആലപ്പുഴ കൃഷ്ണപുരം ഗവ. വിഎച്ച്എസ്എസ്, കോട്ടയം കുമരകം ഗവ. വിഎച്ച്എസ്എസ്, എറണാകുളം കടമക്കുടി ഗവ. വിഎച്ച്എസ്എസ്, തൃശൂർ ഇരിങ്ങാലക്കുട ഗവ. മോഡൽ ബോയ്സ് വിഎച്ച്എസ്എസ്, പാലക്കാട് മലമ്പുഴ ഗവ. വിഎച്ച്എസ്എസ്, മലപ്പുറം എടവണ്ണ എസ്എച്ച്എം ഗവ. വിഎച്ച്എസ്എസ്, കാലിക്കറ്റ് ഗവ. വിഎച്ച്എസ്എസ്, കണ്ണൂർ അഴീക്കൽ ജിആർഎഫ്ടി ഗവ. വിഎച്ച്എസ്എസ്, കാസർഗോഡ് തൃക്കരിപ്പൂർ ഗവ. വിഎച്ച്എസ്എസ് എന്നീ സ്കൂളുകൾ ജില്ലാതല അവാർഡിന് അർഹരായി.

വിദ്യാർഥി, വിദ്യാലയ, സാമൂഹ്യക്ഷേമ പ്രവർത്തനങ്ങൾ ഏറ്റെടുത്ത് നിർവഹിച്ചതിലുള്ള മികവുകൾ കണക്കലെടുത്താണ് പുരസ്കാരങ്ങൾ നിർണ്ണയിച്ചത്. സംസ്ഥാനമൊട്ടുക്കുമുള്ള 345 ൽ പരം സ്കൂൾ യൂണിറ്റുകൾ/ പ്രോഗ്രാം ഓഫീസർമാർ എന്നിവരിൽ നിന്നും 35,000 ത്തോളം വരുന്ന വിദ്യാർഥി വോളണ്ടിയർമാരിൽ നിന്നുമാണ് ജേതാക്കളെ തെരഞ്ഞെടുത്തത്. സെപ്തംബറിൽ തിരുവനന്തപുരത്ത് നടക്കുന്ന ചടങ്ങിൽ മന്ത്രി വി ശിവൻകുട്ടി പുരസ്കാരങ്ങൾ സമർപ്പിക്കും.