തെന്മലയിൽ വിനോദ സഞ്ചാരികൾക്കും ​ഗാർഡുകൾക്കും തേനീച്ചയുടെ കുത്തേറ്റു

കൊല്ലം: കൊല്ലം തെന്മലയിൽ വിനോദ സഞ്ചാരികൾക്ക് തേനീച്ചയുടെ കുത്തേറ്റു. തെന്മലയിലെ ​ഗാർഡ്മാർക്കും കുത്തേറ്റിട്ടുണ്ട്. അവധി ദിവസമായതിനാൽ പാലരുവി വെള്ളച്ചാട്ടം കാണാൻ നിരവധി പേർ എത്തിയിരുന്നു.വെള്ളച്ചാട്ടത്തിന് സമീപത്തെ കാനയിൽ നിന്ന് കടന്നൽകൂട് ഇളകി വീഴുകയായിരുന്നു. വിനോദ സഞ്ചാരികളെ രക്ഷിക്കാനെത്തിയപ്പോഴാണ് ​ഗാർഡുകൾക്കും കുത്തേറ്റത്. പതിനഞ്ച് വിനോദ സഞ്ചാരികൾക്കും അഞ്ച് ​ഗാർഡുകൾക്കും കുത്തേറ്റിട്ടുള്ളതായാണ് പ്രാഥമിക വിവരം. ഇവരെ ആര്യങ്കാവിലെ സ്വകാര്യ ആശുപത്രിയിൽ പ്രവേശിപ്പിച്ചു. ആരുടേയും നില ​ഗുരുതരമല്ല എന്നാണ് റിപ്പോർട്ട്.