കൊല്ലം- ചെങ്കോട്ട പാതയിൽ ട്രെയിൻ തട്ടി കടുവ ചത്തു

കൊല്ലം : കൊല്ലം- ചെങ്കോട്ട റെയിൽപാതയിൽ ട്രെയിൻ തട്ടി കടുവ ചത്തു. തമിഴ്‌നാട് അതിർത്തിയോട് ചേർന്നുള്ള ഭഗവതിപുരം റെയിൽവേ സ്റ്റേഷന് സമീപമാണ് സംഭവം. തൂത്തുക്കുടിയിൽ നിന്നും പാലക്കാട്ടേക്ക് പോവുകയായിരുന്ന പാലരുവി എക്സ്പ്രസ്സ് ട്രെയിനാണ് കടുവയെ ഇടിച്ചത്.

പുലർച്ചെ രണ്ടോടെയായിരുന്നു അപകടം. സംഭവത്തെത്തുടർന്ന് ​ഗതാ​ഗതം തടസപ്പെട്ടു. ട്രെയിനിലെ ജീവനക്കാർ തന്നെയാണ് വിവരം തമിഴ്നാട് വനംവകുപ്പിനെ അറിയിച്ചത്. തുടർന്ന് ട്രെയിൻ പിടിച്ചിട്ടു. വനം വകുപ്പ് ഉദ്യോഹസ്ഥർ സ്ഥലത്തെത്തി കടുവയുടെ ജഡം മാറ്റിയ ശേഷമാണ് ട്രെയിൻ യാത്ര തുടർന്നത്. അരമണിക്കൂറോളം സർവീസ് തടസപ്പെട്ടു.