print edition മത്സ്യ അനുബന്ധ തൊഴിലാളികളുടെ 
സെക്രട്ടറിയറ്റ് മാർച്ച് 4ന്

തിരുവനന്തപുരം​: മത്സ്യവിതരണ തൊഴിലിലും ചെമ്മീൻപീലിങ്‌ മേഖലയിലും പണിയെടുക്കുന്ന തൊഴിലാളികളുടെ വിവിധ ആവശ്യങ്ങൾ ഉന്നയിച്ച്‌ മത്സ്യ അനുബന്ധ തൊഴിലാളി ഫെഡറേഷൻ (സിഐടിയു) നേതൃത്വത്തിൽ നവംബർ നാലിന് സെക്രട്ടറിയറ്റ് മാർച്ച് നടത്തും. പീലിങ്‌ തൊഴിലാളികളുടെ പ്രത്യേക ആരോഗ്യ പദ്ധതി തുടരുക, മക്കൾക്ക് സമ്പൂർണ സൗജന്യ വിദ്യാഭ്യാസം നടപ്പാക്കുക, മത്സ്യത്തിലെ മായം ചേർക്കൽ, വൻകിട മാർക്കറ്റുകളിൽ അളവ് തൂക്കങ്ങളിൽ നടത്തുന്ന കൊള്ള തുടങ്ങിയവ അവസാനിപ്പിക്കുക, അനുബന്ധ മത്സ്യത്തൊഴിലാളികളുടെ തൊഴിലാളി വിരുദ്ധ മിഷൻ സമുദ്ര ഉപേക്ഷിക്കുക, വനാമി ചെമ്മീൻ കൃഷി വ്യാപകമാക്കുക തുടങ്ങി 11 ഇന ആവശ്യങ്ങൾ ഉന്നയിച്ചാണ്‌ മാർച്ച്‌. ​

രാവിലെ 9.30ന് പാളയം രക്തസാക്ഷി മണ്ഡപത്തിൽനിന്ന് പ്രകടനം ആരംഭിക്കും. സെക്രട്ടറിയറ്റിനുമുന്നിൽ സിഐടിയു സംസ്ഥാന പ്രസിഡന്റ്‌ ടി പി രാമകൃഷ്ണൻ ഉദ്ഘാടനം ചെയ്യുന്ന സമരം വൈകിട്ട്‌ അഞ്ചുവരെ തുടരും.