print edition ഇടപെടേണ്ട കാര്യമില്ല:​ 
എം വി ഗോവിന്ദൻ

അടിമാലി: എ കെ ജി സെന്ററിന്റെ ഭൂമിയാണ് അളക്കുന്നതെന്നത്‌ വ്യാജ പ്രചാരണമാണെന്ന് സിപിഐ എം സംസ്ഥാന സെക്രട്ടറി എം വി ഗോവിന്ദൻ മാധ്യമങ്ങളോട് പറഞ്ഞു. ഹെെക്കോടതി നിർദേശപ്രകാരം കേരള സർവകലാശാലയുടെ ഭൂമി അളക്കുന്നതിൽ ഇടപെടേണ്ട കാര്യം ഞങ്ങൾക്കില്ല. എ കെ ജി സെന്ററിന്റെ ഭൂമി അളക്കണം എന്ന് താൽപ്പര്യമുള്ള ചിലരാണ്‌ മാധ്യമങ്ങൾവഴി നുണ പ്രചരിപ്പിക്കുന്നത്.

എ കെ ജി സെന്ററിന്റെ ഭൂമിക്ക്‌ ആധികാരികമായ രേഖയുണ്ട്‌. സർവകലാശാലയുടെ ഭൂമികൂടി അന്ന് വാങ്ങിയിട്ടുണ്ട്. അതും നിയമാനുസൃതമാണ്. എ കെ ആന്റണി സർക്കാരിന്റെ കാലത്ത് വാങ്ങിയതാണിത്. അതിൽ ആവശ്യമില്ലാതെ ചിലർ പ്രശ്നമുണ്ടാക്കി. ഇപ്പോൾ ചിലർ സിൻഡിക്കറ്റിന്റെ ഭാഗമായി വന്നപ്പോൾ ഒന്നുകൂടി സജീവമായി വരുകയാണ്. ഞങ്ങൾ ഇതിനെ നിയമപരമായി നേരിടും.സിപിഐ എം ഒരിഞ്ച് ഭൂമിയും കൈയേറിയിട്ടില്ല. ഒരിഞ്ച് ഭൂമി പുറമ്പോക്കുമില്ല.​പാലക്കാട് ജില്ലാ സെക്രട്ടറിയെ മാറ്റിയത് ഏകകണ്ഠമായ തീരുമാനപ്രകാരമാണ്. അസംബന്ധങ്ങൾക്ക് മറുപടിയില്ലെന്നും അദ്ദേഹം പറഞ്ഞു.