print edition ഓസ്ട്രേലിയയിലും ന്യൂസിലന്‍ഡിലും താരമാകാൻ മിൽമ
തിരുവനന്തപുരം
ഓസ്ട്രേലിയയിലേക്കും ന്യൂസിലന്‍ഡിലേക്കും ഉല്‍പ്പന്നങ്ങള്‍ കയറ്റുമതി ചെയ്യാൻ കേരളത്തിന്റെ സ്വന്തം മിൽമ. പനീര്‍, പായസം മിക്സ്, ഡയറി വൈറ്റ്നര്‍ തുടങ്ങിയവയാണ് ആദ്യഘട്ടത്തില്‍ കയറ്റുമതി ചെയ്യുക. ഇതിനുള്ള ധാരണാപത്രത്തില്‍ ഒപ്പുവച്ചു. ആര്‍ജി ഫുഡ്സ്, മിഡ്നൈറ്റ്സണ്‍ ഗ്ലോബല്‍ എന്നീ കമ്പനികളുമായാണ് മില്‍മ ത്രികക്ഷി കരാറില്‍ ഒപ്പുവച്ചത്. മില്‍മ ചെയര്‍മാന്‍ കെ എസ് മണിയുടെ സാന്നിധ്യത്തില്‍ എംഡി ആസിഫ് കെ യൂസഫ്, ആര്‍ ജി ഫുഡ്സ് എക്സിക്യുട്ടീവ് ഡയറക്ടര്‍ ആര്‍ ജി വിഷ്ണു , മിഡ്നൈറ്റ്സണ്‍ ഗ്ലോബല്‍ ഉടമ ബിന്ദു ഗണേഷ് കുമാര്‍ എന്നിവരാണ്‌ ഒപ്പുവ ച്ചത്‌.
ഉല്‍പ്പന്നങ്ങള്‍ കൊണ്ടുപോകുന്നതിനുള്ള ക്രമീകരണം ആര്‍ ജി ഫുഡ്സ് നടത്തും. ഗതാഗതം, കസ്റ്റംസ് ക്ലിയറന്‍സ്, ചരക്ക് കൈമാറ്റം എന്നിവയുള്‍പ്പെടെയുള്ള ലോജിസ്റ്റിക്സ് പ്രവര്‍ത്തനങ്ങള്‍ ഇതില്‍പ്പെടും. പ്രവര്‍ത്തന നിര്‍വഹണം, സൗകര്യം, ഏകോപനം എന്നിവയ്ക്കായി മിഡ്നൈറ്റ്സണ്‍ ഗ്ലോബല്‍ ഏകോപന പങ്കാളി യാകും.
വിദേശ വിപണി വിപുലീകരണത്തിലെ നാഴികക്കല്ലാണ് കരാറെന്ന് കെ എസ് മണി പറഞ്ഞു. പ്രധാന ഗള്‍ഫ് രാജ്യങ്ങളിലെല്ലാം മിൽമ ഉൽപ്പന്നങ്ങൾ ലഭ്യമാണ്. മില്‍മയുടെ വളര്‍ച്ചയുടെയും വിപണി വിപുലീകരണത്തിന്റെ ഏറ്റവും വലിയ ഗുണഭോക്താക്കള്‍ ക്ഷീരകര്‍ഷകരാണ്.
കഴിഞ്ഞ സാമ്പത്തികവര്‍ഷത്തെ മില്‍മയുടെ ലാഭവിഹിതത്തില്‍ 92.5 ശതമാനവും ക്ഷീരകര്‍ഷകര്‍ക്ക് നല്‍കിയെന്നും അദ്ദേഹം പറഞ്ഞു.. ആര്‍ ജി ഫുഡ്സ് ചെയര്‍മാന്‍ ആര്‍ ജി രമേഷ്, എം ഡി അംബിക രമേഷ് ,മില്‍മ മാര്‍ക്കറ്റിങ്‌ ആന്‍ഡ് ക്യു എ സീനിയര്‍ മാനേജര്‍ വി എസ് മുരുകന്‍ എന്നിവരും ചടങ്ങിൽ പങ്കെടുത്തു.
Related News
Dont Miss it
0 comments