കക്കോടിയിൽ മതിൽ ഇടിഞ്ഞുവീണ് അപകടം; അതിഥി തൊഴിലാളി മരിച്ചു

കോഴിക്കോട്: കോഴിക്കോട് കക്കോടിയിൽ മതിൽ ഇടിഞ്ഞുവീണ അപകടത്തിൽ അതിഥി തൊഴിലാളി മരിച്ചു. മതിലിനടിയിൽ പെട്ട തൊഴിലാളിക്ക് ​ഗുരുതരമായി പരിക്കേറ്റിരുന്നു. ഒഡീഷ സ്വദേശിയാണ് മരിച്ചത്. ഇയാളെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

മൂന്ന് തൊഴിലാളികളുണ്ടായതിൽ ഒരാൾക്കായിരുന്നു ​ഗുരുതരമായി പരിക്കേറ്റത്. ശശീന്ദ്ര സർവീസ് സഹകരണ ബാങ്കിന് തൊട്ടടുത്തെ മതിലാണ് ഇടിഞ്ഞത്. വീടിന്റെ പണിക്കിടയിലാണ് മതിലിടിഞ്ഞ് ദേഹത്തെക്ക് മറിഞ്ഞത്. അപകടാവസ്ഥയിലായിരുന്നു മതിലുണ്ടായിരുന്നതെന്ന് നാട്ടുകാർ പറയുന്നു.

ഒരു മലയാളിയും രണ്ട് അതിഥി തൊഴിലാളിയുമാണ് ജോലിക്കുണ്ടായിരുന്നത്. ഒഡീഷ തൊഴിലാളിയുടെ തലയിലേക്കാണ് മതിൽ ഇടിഞ്ഞത്.