Deshabhimani

10 കോടിയുടെ എംഡിഎംഎയുമായി 3 പേര്‍ അറസ്റ്റില്‍

mdma malappuram

മലപ്പുറം മഞ്ചേരിയിൽ 10 കിലോയിലധികം എംഡിഎംഎ പിടികൂടിയ കേസിൽ അറസ്റ്റിലായ ഷെയിം അക്ബർ, ജാബിര്‍ അലി, മുഹമ്മദ് സാലിഹ്

വെബ് ഡെസ്ക്

Published on Aug 29, 2026, 03:35 PM | 1 min read

മലപ്പുറം: കേരളത്തിലും പുറത്തുമായി രാസലഹരി വില്‍പ്പന നടത്തുന്ന സംഘത്തിലെ പ്രധാനികളെ പിടികൂടി മലപ്പുറം ജില്ലാ പൊലീസ് സംഘം. കോയമ്പത്തൂരിലെ ലോഡ്‌ജില്‍ വെള്ളിയാഴ്ച നടത്തിയ അന്വേഷണത്തിലാണ് വൻതോതിൽ എംഡിഎംഎ പിടികൂടിയത്. സംഭവത്തിൽ മൂന്ന് പേരെ പൊലീസ് അറസ്റ്റ് ചെയ്തു.


കോയമ്പത്തൂരിലെ ലോഡ്‌ജില്‍ വെള്ളിയാഴ്ച നടത്തിയ പരിശോധനയിലാണ് മലപ്പുറം പന്തല്ലൂർ സ്വദേശി മാമ്പ്രവളപ്പിൽ ജാബിര്‍ അലി (32), ആനക്കയം സ്വദേശി ഷെയിം അക്ബർ (21), വയനാട് മേപ്പാടി സ്വദേശി കരിമ്പയിൽ മുഹമ്മദ് സാലിഹ് (34) എന്നിവര്‍ പിടിയിലായത്.


ഇവരുടെ കാറില്‍നിന്ന് 10 കോടി രൂപയുടെ 12.80 കിലോഗ്രാം എംഡിഎംഎ കണ്ടെടുത്തു. കേരള പൊലീസ് നടത്തിയ ഏറ്റവും വലിയ എംഡിഎംഎ വേട്ടയാണിതെന്ന് ഉത്തരമേഖലാ ഐജി പുട്ട വിമലാധിത്യ, തൃശൂര്‍ റെയ്ഞ്ച് ഡിഐജി ടി നാരായണന്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു. ശനിയാഴ്ച മഞ്ചേരി കോ‍ടതിയില്‍ ഹാജരാക്കിയ പ്രതികളെ റിമാന്‍ഡ്ചെയ്തു.


mdmaപ്രതികളുടെ കാറില്‍നിന്ന് കണ്ടെടുത്ത എംഡിഎംഎ പാക്കറ്റുകള്‍

സംഘത്തിലെ മറ്റ് പ്രധാനികളെ കുറിച്ചും വിവരം ലഭിച്ചിട്ടുണ്ട്. പ്രതികളെ കസ്റ്റഡിയില്‍ വാങ്ങി ചോദ്യംചെയ്യും. ഇവരുടെ സാമ്പത്തിക സ്രോതസ്സും പരിശോധിക്കും. തുടരന്വേഷണത്തിന് മലപ്പുറം ഡിവൈഎസ്‌പിയുടെ നേതൃത്വത്തില്‍ പ്രത്യേകസംഘത്തെ നിയോഗിക്കും.


ഈമാസം ആറിന് മഞ്ചേരിയിലെ സ്വകാര്യ അപ്പാര്‍ട്മെന്റില്‍നിന്ന് 97 ഗ്രാം എംഡിഎംഎയുമായി ആറുപേര്‍ പിടിയിലായിരുന്നു. ഇവരെ ചോദ്യംചെയ്തതില്‍നിന്നാണ് ലഹരിക്കടത്ത് ശൃംഖലയിലുള്ള മറ്റുള്ളവരെക്കുറിച്ച് വിവരം ലഭിച്ചത്.


ഇതില്‍ ചിലര്‍ കോയമ്പത്തൂരിലെത്തിയെന്ന് മനസ്സിലായതോടെയാണ് പൊലീസ് സംഘം പുറപ്പെട്ടത്. മലപ്പുറം ജില്ലാ പൊലീസ് മേധാവി ചൈത്ര തെരേസ ജോണിന്റെ നേതൃത്വത്തില്‍ പെരിന്തൽമണ്ണ ഡിവൈഎസ്‍പി ഗോപകുമാർ, നാർക്കോട്ടിക് സെൽ ഡിവൈഎസ്‌പി എൻ ഒ സിബി, മലപ്പുറം ഡിവൈഎസ്‌പി സുഭാഷ് ബാബു, മഞ്ചേരി ഇൻസ്പെക്ടർ ദിലീപ്, എഎസ്ഐ മുഹമ്മദാലി, തൗഫീഖ് മുബാറക്ക്, പ്രദീപ്കുമാർ എന്നിവരടങ്ങിയ സംഘവും ജില്ലാ ഡാൻസാഫ് സ്‌ക്വാഡുമാണ് പ്രതികളെ പിടികൂടിയത്.




deshabhimani section

Related News

View More
0 comments
Sort by

Deshabhimani
Home