ഓണക്കാലത്ത് യാത്രകളേറെ... ഉല്ലാസയാത്രയൊരുക്കി കെഎസ്ആർടിസി

കൊല്ലം : ഓണക്കാലത്ത് കെഎസ്ആർടിസിക്കൊപ്പം ഉല്ലാസയാത്ര പോകാം. കെഎസ്ആർടിസി കൊല്ലം ബജറ്റ് ടൂറിസം ജെൽ സംസ്ഥാനത്തെ വിവിധ ഭാ​ഗങ്ങളിലേക്ക് വിനോദയാത്ര ഒരുക്കുന്നു. കൊല്ലം ജില്ലയ്ക്കകത്തുള്ള വിനോദസഞ്ചാരകേന്ദ്രങ്ങളിലേക്കും പ്രത്യേക യാത്രകൾ ഒരുക്കുന്നുണ്ട്. ഓണത്തിനു മുന്നോടിയായി ആ​ഗസ്ത് 20 മുതലാണ് വിനോദയാത്രകൾ ആരംഭിക്കുന്നത്.

ഒരു ​ദിവസം മാത്രമുള്ള യാത്രകളും രണ്ട് പകലും ഒരു രാത്രിയുമുള്ള യാത്രകളും ഒരുക്കിയി‍ട്ടുണ്ട്. പാലക്കാട്, വാ​ഗമൺ, മൂന്നാർ, കന്യാകുമാരി, പൊന്മുടി, റോസ്മല, പാലരുവി, പഞ്ചപാണ്ഡവ ക്ഷേത്രങ്ങൾ, വർക്കല, ജടായുപ്പാറ, ഇല്ലിക്കൽ കല്ല്, ഇലവീഴാപൂഞ്ചിറ എന്നിവിടങ്ങളിലേക്കുള്ള യാത്രയ്ക്കു പുറമെ ഒരു ​ദിവസം ആഡംബര കപ്പലായ നെഫർറ്റിറ്റിയിലും യാത്രയ്ക്ക് അവസരമൊരുക്കുന്നുണ്ട്. ഫോൺ: 9747969768, 9995554409.

2021 നവംബർ ഒന്നുമുതലാണ് കെഎസ്ആർടിസി ബജറ്റ്‌ ടൂറിസം യാത്രകൾ ആരംഭിച്ചത്. നിലവിൽ പ്രതിമാസം 525 ട്രിപ്പുകൾ നടത്തുന്നു.