കോഴിക്കോട് എംഡിഎംഎയുമായി യുവാവ് അറസ്റ്റിൽ; പൊലീസ് പിടിക്കാതിരിക്കാൻ ജില്ല മാറി വിൽപ്പന

കോഴിക്കോട് : തൊണ്ടയാട് എംഡിഎംഎയുമായി യുവാവ് പിടിയിൽ. മലപ്പുറം പള്ളിപ്പുറം സ്വദേശി മുഹമ്മദ് ഷാഫിയാണ് 605 കിലോ എംഡിഎംഎയുമായി പിടിയിലായത്. ഇന്നലെ രാത്രി മെഡിക്കൽ കോളേജ് പൊലീസും ഡാൻസാഫ് സംഘവം ചേർന്ന് നടത്തിയ പരിശോധനയിലാണ് യുവാവ് പിടിയിലായത്. എംഡിഎംഎക്ക് പുറമെ വിറ്റുകിട്ടിയ പണവും ഇയാളുടെ കൈവശമുണ്ടായിരുന്നു. പൊലീസ് പിടിക്കാതിരിക്കാൻ ജില്ല മാറിയാണ് ഇയാൾ കച്ചവടം നടത്തിയിരുന്നത്. ഇയാളുടെ മൊഴി പ്രകാരം സുഹൃത്തുക്കളാണ് എംഡിഎംഎ എത്തിച്ചു നൽകിയിരുന്നത്.