print edition വർണോത്സവ പ്രതിഭകൾക്ക്‌ പുരസ്‌കാരം സമ്മാനിച്ചു

തിരുവനന്തപുരം : സംസ്ഥാന ശിശുക്ഷേമസമിതിയുടെ ശിശുദിനാഘോഷം ‘വർണോത്സവം 2026' വിജയികൾക്ക് സമ്മാനങ്ങൾ വിതരണം ചെയ്തു. മന്ത്രി രമേശ്‌ ചെന്നിത്തല ഉദ്‌ഘാടനം ചെയ്തു. നടി മല്ലിക സുകുമാരൻ മുഖ്യാതിഥിയായി. ഇരുവരും ചേർന്ന്‌ വിജയികൾക്ക്‌ പുരസ്കാരങ്ങൾ കൈമാറി.

ഒക്ടോബർ മൂന്നുമുതൽ നവംബർ ആറുവരെ നടന്ന കലോത്സവത്തിൽ തിരുവനന്തപുരം കാർമൽ ഹയർ സെക്കൻഡറി സ്‌കൂൾ ഓവറോൾ കിരീടം സ്വന്തമാക്കി. നിർമലാഭവൻ സ്‌കൂൾ, പട്ടം സെന്റ്‌ മേരീസ് സ്‌കൂൾ എന്നിവ രണ്ടും മൂന്നും സ്ഥാനങ്ങൾ കരസ്ഥമാക്കി. വർണോത്സവ പ്രതിഭകളായി തെരഞ്ഞെടുത്ത പുണ്യ എസ് പ്രദീപ്, വേദിക് സായ്, സഹ്ര നസീർ, അയാൻ കൃഷ്ണ എന്നിവരും മറ്റ്‌ വിജയികളും പുരസ്കാരങ്ങൾ ഏറ്റുവാങ്ങി.

ജനറൽ സെക്രട്ടറി ജി എൽ അരുൺ ഗോപി അധ്യക്ഷനായി. ട്രഷറർ കെ ജയപാൽ, ജി വേണുഗോപാൽ, ആർ ബിജു, എൻ എസ് വിനോദ്, വി അശോക് കുമാർ എന്നിവർ സംസാരിച്ചു.