പ്രവാസി ക്ഷേമപദ്ധതികൾ അട്ടിമറിക്കുന്നതിനെതിരെ കേരള പ്രവാസി സംഘത്തിന്റെ സമരപരമ്പര; നവംബർ 13 മുതൽ പ്രതിഷേധം

തിരുവനന്തപുരം: പ്രവാസി ക്ഷേമപദ്ധതികൾ തകർക്കുന്ന യുഡിഎഫ് സർക്കാരിന്റെ നടപടികൾക്കെതിരെ സംസ്ഥാനവ്യാപക പ്രതിഷേധത്തിനൊരുങ്ങി കേരള പ്രവാസി സംഘം. നവംബർ 13, 14, 15 തീയതികളിൽ ഏരിയാ കേന്ദ്രങ്ങളിൽ സായാഹ്ന ധർണകൾ സംഘടിപ്പിക്കും. പ്രവാസികളുടെ അവകാശങ്ങളും ക്ഷേമപദ്ധതികളും സംരക്ഷിക്കണമെന്നാവശ്യപ്പെട്ടാണ് സമരപരിപാടികൾ പ്രഖ്യാപിച്ചിരിക്കുന്നത്. കക്ഷിരാഷ്ട്രീയത്തിന് അതീതമായി എല്ലാ പ്രവാസികളും പ്രതിഷേധങ്ങളിൽ അണിചേരണമെന്ന് സംഘടന ആഹ്വാനം ചെയ്തു.

സംസ്ഥാനത്തെ പ്രവാസികളുടെ ക്ഷേമവുമായി ബന്ധപ്പെട്ട ആവശ്യങ്ങൾ മുൻനിർത്തി പത്ത് ലക്ഷം ഒപ്പ് ശേഖരണവും സംഘടിപ്പിക്കും. നവംബർ 19ന് ജില്ലാ കേന്ദ്രങ്ങളിലേക്ക് പ്രതിഷേധ മാർച്ച് നടത്തും. തുടർന്ന് നവംബർ 26, 27 തീയതികളിൽ സെക്രട്ടറിയറ്റിന് മുന്നിൽ ദ്വിദിന സത്യഗ്രഹം സംഘടിപ്പിക്കാനാണ് തീരുമാനം.

പ്രവാസികളുടെ ക്ഷേമത്തിനായുള്ള പദ്ധതികൾ സംരക്ഷിക്കേണ്ടതിന്റെ ആവശ്യകത ഉയർത്തിക്കാട്ടിയാണ് കേരള പ്രവാസി സംഘം സമരപ്രചാരണം നടത്തുന്നത്. പ്രവാസികളുടെ പ്രശ്നങ്ങൾക്ക് പരിഹാരം ആവശ്യപ്പെട്ടുള്ള പ്രതിഷേധത്തിൽ രാഷ്ട്രീയ വ്യത്യാസമില്ലാതെ എല്ലാവരും പങ്കാളികളാകണമെന്ന് സംഘടനയുടെ അഭ്യർത്ഥിച്ചു.