print edition ​​10 ജില്ലയിൽ അവധി; മഴ തുടരുന്നു; മൂന്നുദിവസത്തിനിടെ മരണം 27

തിരുവനന്തപുരം: മഴക്കെടുതിയിൽ ചൊവ്വാഴ്‌ച ഒമ്പതുപേർ കൂടി മരിച്ചു. ഇതോടെ മൂന്നുദിവസത്തിനിടെ മരിച്ചവർ 26 ആയി. തിരുവനന്തപുരം –ഒന്ന്‌, ആലപ്പുഴ–രണ്ട്‌, കോഴിക്കോട്‌–രണ്ട്‌, കണ്ണൂർ–മൂന്ന്, കോട്ടയം–ഒന്ന്‌ എന്നിങ്ങനെയാണ്‌ മരിച്ചവരുടെ എണ്ണം. ആലപ്പുഴയിൽ ഒരാളെ കടലിൽ കാണാതായി.

9 ജില്ലകളിൽ 
ഓറഞ്ച്‌ അലർട്ട്‌

ആറ് ദിവസംകൂടി വ്യാപക മഴ തുടരുമെന്ന്‌ കാലാവസ്ഥാ നിരീക്ഷണകേന്ദ്രം. ബുധനാഴ്‌ച ഒന്പത്‌ ജില്ലയിൽ ഓറഞ്ച്‌ അലർട്ടാണ്. പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, കോഴിക്കോട്‌, വയനാട്‌, കണ്ണ‍ൂർ, കാസർകോട്‌ ജില്ലകളിലാണ്‌ ഓറഞ്ച്‌ അലർട്ട്‌.

​​10 ജില്ലയിൽ അവധി

10 ജില്ലയിലെ വിദ്യാഭ്യാസ സ്ഥാപനങ്ങൾക്ക്‌ ബുധനാഴ്‌ച അവധി പ്രഖ്യാപിച്ചു. ഇടുക്കി, കാസർകോട്‌, പത്തനംതിട്ട, ആലപ്പുഴ, വയനാട്‌, എറണാകുളം, കണ്ണൂർ, കോട്ടയം,തൃശൂർ, കോഴിക്കോട് ജില്ലകൾക്കാണ്‌ അവധി.

​പരീക്ഷകൾ മാറ്റി

കേരള സർവകലാശാല ബുധനാഴ്‌ച നടത്താനിരുന്ന എല്ലാ പരീക്ഷകളും മാറ്റി.