കോവിഡ് മരണം: കേരളത്തിന്റെ കണക്ക് കൃത്യം

തിരുവനന്തപുരം : കോവിഡ് മരണങ്ങൾ രാജ്യത്ത് ഏറ്റവും കൃത്യതയോടെ കണക്കാക്കിയ സംസ്ഥാനം കേരളമാണെന്ന് സിവിൽ രജിസ്ട്രേഷൻ വിഭാ​ഗം പുറത്തിറക്കിയ വൈറ്റൽ രജിസ്ട്രേഷൻ സർവെ റിപ്പോർട്ട്. കേരളത്തിൽ 65,655 മരണമുണ്ടായി എന്നാണ്‌ റിപ്പോർട്ടിലുള്ളത്‌. ഔദ്യോ​ഗിക റിപ്പോർട്ട് പ്രകാരം 44,721 ആണ്. 1.5 ശതമാനം മാത്രമാണ്‌ വ്യ
ത്യാസം.

ഔദ്യോഗിക കണക്ക്‌ പ്രകാരം, രാജ്യത്ത്‌ 2019-നെക്കാൾ 2021-ൽ 25.8 ലക്ഷം മരണം കൂടുതലാണ്. ഔദ്യോഗിക കോവിഡ് മരണസംഖ്യ 3.3 ലക്ഷവും. 2019-ലെയും 2021-ലെയും സാംപിൾ രജിസ്‌ട്രേഷൻ സിസ്റ്റത്തിലെ മരണനിരക്കും സിആർഎസ് റിപ്പോർട്ടുമായി താരതമ്യംചെയ്താണ് ഈ വ്യത്യാസം കണ്ടെത്തിയത്. ഏറ്റവും കൂടുതൽ മരണം ഒളിച്ചുവച്ചത്‌ ഗുജറാത്താണ്‌.

2021-ൽ സർക്കാർ പുറത്തുവിട്ട കോവിഡ് മരണം 5,800 ആണ്‌. സിആർഎസ് റിപ്പോർട്ട് പ്രകാരം അവിടെ രണ്ടുലക്ഷം അധികമരണം സംഭവിച്ചിട്ടുണ്ട്. കേരളത്തിന് പുറമെ ഉത്തരാഖണ്ഡ്, അസം, മഹാരാഷ്ട്ര, ഡൽഹി എന്നിവിടങ്ങളിലും ഔദ്യോഗിക കോവിഡ് മരണസംഖ്യയും അധിക മരണനിരക്കും തമ്മിലുള്ള വ്യത്യാസം കുറവാണ്.