തൃശൂരിൽ സ്വകാര്യ ബസ് മറിഞ്ഞ് അപകടം; നിരവധി പേർക്ക് പരിക്ക്

തൃശൂർ : തൃശൂർ- കുറ്റിപ്പുറം സംസ്ഥാന പാതയിൽ സ്വകാര്യ ബസ് മറിഞ്ഞ് അപകടം. 17 പേർക്ക് പരിക്കേറ്റു. ഇന്ന് പുലർച്ചെ അഞ്ചരയോടു കൂടിയാണ് അപകടമുണ്ടായത്. തൃശൂർ–കുന്നംകുളം റൂട്ടിൽ സർവീസ് നടത്തുന്ന ബസാണ് മറിഞ്ഞത്. അപകടത്തെത്തുടർന്ന് പാതയിൽ ​ഗതാ​ഗതം സ്തംഭിച്ചു.

നിയന്ത്രണം വിട്ട ബസ് റോഡിനു കുറുകെ മറിയുകയായിരുന്നു. മരത്തിലും കാറിലും ഇടിച്ച ശേഷമാണ് റോഡിലേക്ക് മറിഞ്ഞത്. അപകടത്തിൽ ബസിന്റെ മുൻഭാ​ഗം പൂർണമായി തകർന്നു. പരിക്കേറ്റവരെ തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. ആരുടെയും നില ​ഗുരുതരമല്ലെന്നാണ് വിവരം. അപകടത്തിന്റെ കാരണം വ്യക്തമല്ല.