നാരങ്ങാനത്ത് ബിജെപിയുടെ അവിശ്വാസം പരാജയപ്പെട്ടു

പത്തനംതിട്ട: പത്തനംതിട്ട നാരങ്ങാനം പഞ്ചായത്തിൽ ബിജെപി കൊണ്ടുവന്ന അവിശ്വാസപ്രമേയം പരാജയപ്പെട്ടു. യുഡിഎഫിന്റെ വൈസ് പ്രസിഡന്റിനെതിരെ കൊണ്ടുവന്ന അവിശ്വാസമാണ് പരാജയപ്പെട്ടത്.

എൽഡിഎഫ്, യുഡിഎഫ് അം​ഗങ്ങൾ വിട്ടുനിന്നു. ചർച്ചയ്ക്കെടുക്കാനുള്ള ക്വാറം തികഞ്ഞില്ല.

കഴിഞ്ഞ ആറിന് യുഡിഎഫ് കൊണ്ടുവന്ന അവിശ്വാസത്തെ എൽഡിഎഫ് പിന്തുണച്ചതോടെ ബിജെപിക്ക് പഞ്ചായത്ത് ഭരണം നഷ്ടമായിരുന്നു.

ബിജെപി- ആറ്, യുഡിഎഫ്- ആറ്, എൽഡിഎഫ്- 2 എന്നിങ്ങനെയാണ് കക്ഷിനില.