ആലപ്പുഴ ക്രൈം ബ്രാഞ്ച് ഡിവൈഎസ്പി പ്രഫുല്ലചന്ദ്രൻ അന്തരിച്ചു

ആലപ്പുഴ: ജില്ലാ ക്രൈം ബ്രാഞ്ച് ഡിവൈഎസ്‍പി മാവേലിക്കര ചെറുകോൽ കെ ബി പ്രഫുല്ലചന്ദ്രൻ (53) അന്തരിച്ചു. അമൃത ഹോസ്പിറ്റലിൽ കരൾ സംബന്ധമായ രോഗത്തെ തുടർന്ന് ചികിത്സയിലിരിക്കെ വ്യാഴം രാവിലെ ഏഴോടെയായിരുന്നു മരണം. മ‍‍ൃതദേഹം ആലപ്പുഴ എ ആർ ക്യാമ്പിൽ പൊതുദർശനത്തിന് വച്ചു. വെള്ളി പകൽ മൂന്നിന്‌ മാവേലിക്കര ചെറുകോലിലാണ് സംസ്‌കാരം.

ഭാര്യ: സലീജ വർമ്മ. മകൾ: ആയുഷ്, റിതു വർണ്ണ. സഹോദരങ്ങൾ: പരേതരായ പുഷ്പലതാ ദേവി, രാജേന്ദ്രപ്രസാദ്, രവിന്ദ്രപ്രസാദ് (മുൻ ഡിവെഎസ്‍പി) ഹേമലതാ ദേവി, പ്രേമലതാ ദേവി, ശൈലശ്രീ, ജയപ്രസാദ്.