കോവിഡ്: മോഡൽ എൻജിനീയറിംഗ് കോളേജിന്റെ റീച്ച് ഔട്ടിന് മികച്ച പ്രതികരണം

2020 മെയ് 13 മുതൽ 17 വരെ നടത്തിയ പരിപാടിയിൽ വിനയ് ഫോർട്ട്, രാജീവ് രവി, പ്രാപ്തി എലിസബത്ത്, ഡി.ജെ സാവിയോ തുടങ്ങി പത്തോളം താരങ്ങൾ അണിനിരന്നു. ഒപ്പം വികാശ് പോൾ, ഭരത് ബാലാജി, രാഹുൽ സിദ്ധാർത്ഥ് ,എന്നീ സ്റ്റാൻഡ് അപ്പ് കൊമേഡിയന്മാരും, അരുൺ ആലാട്ട് ,അന്തോണി ലാസെറോ, റിനോഷ് ജോർജ് എന്നീ ഗായകരും നടി അനഘ മരിയ വർഗീസും ആര്യ മോഹനും പങ്കുചേർന്നു.ഇൻസ്റ്റ ഗ്രാമിൽ ഏറെ ശ്രദ്ധേയമായ 'ഈറ്റ് - കൊച്ചി- ഈറ്റ് ' എന്ന ഫുഡ് ബ്ലോഗും റീച്ച് - ഔട്ട് -ൽ ഭാഗമായിരുന്നു .ആകെ 300 - ൽ പരം പ്രേക്ഷകരും, 750-ൽ പരം സംഭാവനകളോടും, നടത്തിയ പരിപാടിയിൽ നിന്ന് ഒന്നര ലക്ഷം രൂപയോളം സമാഹരിച്ചു. വിദ്യാർത്ഥികൾ കണ്ടെത്തിയ തുക സീഡ്‌സിനു  കൈമാറും.