സംസ്ഥാന സ്കൂൾ കായിക മേള: ടി എം അതുൽ വേഗരാജാവ്; ഋതുപർണ വേ​ഗറാണി

കോഴിക്കോട്: സംസ്ഥാന സ്കൂൾ കായിക മേളയിൽ സീനിയർ ആൺകുട്ടികളുടെ 100 മീറ്റർ ഓട്ടത്തിൽ ടി എം അതുൽ വേ​ഗരാജാവായി. 10.63 സെക്കൻഡിൽ ഓടി, മീറ്റ് റെക്കോഡോടെയാണ് സ്വർണം നേടിയത്. ആലപ്പുഴ ചാരമംഗലം ഗവ. ഡി വി എച്ച്എസ്എസിലെ വിദ്യാർഥിയാണ്. ശ്രീഹരി (10.74) രണ്ടാമതും എം എസ് ട്രോയി (10.91) മൂന്നാമതുമെത്തി.

സീനിയർ പെൺകുട്ടികളുടെ 100 മീറ്റർ ഓട്ടത്തിൽ ഒന്നാമതെത്തിയ ഋതുപർണ| ഫോട്ടോ: വി ​കെ അഭിജിത്

സംസ്ഥാന സ്കൂൾ കായിക മേളയിൽ സീനിയർ പെൺകുട്ടികളുടെ 100 മീറ്റർ ഓട്ടത്തിൽ ഋതുപർണ വേ​ഗറാണി. 12.43 സെക്കന്റിൽ ഓടിയാണ് സ്വർണം നേട്ടം. ശ്രേയ (12.73) രണ്ടാം സ്ഥാനവും സരയൂ (12.86) മൂന്നാം സ്ഥാനവും നേടി.

പെണ്‍കുട്ടികളുടെ സബ്ജൂനിയർ 100 മീറ്റർ ഓട്ടത്തിൽ സങ്കീർത്തന എസ് (തിരുവനന്തപുരം ​ജിവി രാജ) ഒന്നാമതെത്തി. 13.10 സെക്കന്റിൽ ഓടിയാണ്​ സ്വർണം കൊയ്തത്. 13.10 സെക്കന്റിൽ ഓടി ഹർഷ രണ്ടാം സ്ഥാനവും 13.38 സെക്കന്റിൽ ഓടി സ്നേഹ മൂന്നാമതുമെത്തി.

പെണ്‍കുട്ടികളുടെ ജൂനിയർ 100 മീറ്ററിൽ 12.29 സെക്കന്റിൽ ഓടി ജിൽഷ ജിനിൽ (തിരുവനന്തപുരം ​ജിവി രാജ) ഒന്നാമതെത്തി. അൻവി (12.65) രണ്ടാം സ്ഥാനവും സ്നേഹ ശ്യാം (12.82) മൂന്നാം സ്ഥാനവും നേടി.

ആൺകുട്ടികളുടെ ജൂനിയർ 100 മീറ്റർ ഓട്ടത്തിൽ 11.02 സെക്കന്റിൽ ഓടി മിലൻ ജോർജ് ഒന്നാമതെത്തി. വിഷ്ണു യാദവ് (11.07) ​രണ്ടാമതും ​ഗൗരീഷ് (11.27) മൂന്നാമതുമെത്തി.

ആൺകുട്ടികളുടെ സബ്ജൂനിയർ 100 മീറ്റർ ഓട്ടത്തിൽ 12.01 സെക്കന്റിൽ ഓടി എം ടി ഒന്നാമതെത്തി. മുഹമ്മദ് (12.13) ​രണ്ടാമതും ​ഫസൽ മുഹമ്മദ് (12.18) മൂന്നാമതുമെത്തി.