പ്രൈം വോളി ലീഗ് ; ബംഗളൂരുവിന് ജയം

ഹൈദരാബാദ്
പ്രൈം വോളിബോൾ ലീഗിൽ ബംഗളൂരു ടോർപിഡോസിന് ജയം. അഞ്ച് സെറ്റ് പോരാട്ടത്തിൽ കന്നിക്കാരായ ഗോവ ഗാർഡിയൻസിനെ വീഴ്ത്തി. സ്കോർ: 15–9, 11–15, 13–15, 17–15, 15–9.
സേതുവിന്റെ മികച്ച സർവുകൾ ബംഗളൂരുവിന് തുടക്കത്തിൽ ലീഡ് നൽകി. ഡാനിയൽ ഡികൻസൺ ഗോവയെ തിരിച്ചുകൊണ്ടുവരാൻ ശ്രമിച്ചു. രണ്ടും മൂന്നും സെറ്റ് സ്വന്തമാക്കി ഗോവ മുൻതൂക്കം നേടി. എന്നാൽ, നിർണായകമായ നാലാം സെറ്റിൽ അവസാനത്തെ കൂട്ടപ്പൊരിച്ചിലിൽ ബംഗളൂരു കളി പിടിച്ചു. അഞ്ചാം സെറ്റിൽ ഗോവക്ക് മറുപടിയുണ്ടായില്ല.
ഇന്ന് വൈകിട്ട് 6.30ന് ആദ്യ മത്സരത്തിൽ ഡൽഹി തൂഫാൻസ് അഹമ്മദാബാദ് ഡിഫൻഡേഴ്സിനെ നേരിടും. രാത്രി 8.30ന് മുംബൈ മിറ്റിയോഴ്സും ഹൈദരാബാദ് ബ്ലാക്ക് ഹോക്സും ഏറ്റുമുട്ടും.








0 comments