ബിഹാറിൽ ആശുപത്രിയിൽ തീപിടിത്തം: 3 മരണം

പട്ന: ബിഹാറിലെ മുസാഫർപൂരിൽ ആശുപത്രിയിൽ തീപിടിത്തം. അപകടത്തിൽ മൂന്ന് പേർക്ക് ജീവൻ നഷ്ടപ്പെട്ടതായാണ് റിപ്പോർട്ട്. ഐസിയുവിലാണ് തീപിടിത്തമുണ്ടായത്. ഇരുപത് രോ​ഗികളെ സ്ഥലത്ത് നിന്നും മാറ്റി രക്ഷപ്പെടുത്തി. ആദ്യം പത്ത് മരണങ്ങളുണ്ടായെന്ന് ദേശിയ മാധ്യമങ്ങറിപ്പോർട്ട് ചെയ്തിരുന്നു. എന്നാൽ മൂന്ന് മരണമാണ് ഉദ്യോഗസ്ഥർ സ്ഥിരീകരിക്കുന്നത്.

രക്ഷപ്പെടുത്തിയ രോഗികളിൽ പലരുടെയും നില ഗുരുതരമാണെന്നാണ് വിവരം. ഷോർട്ട് സർക്യൂട്ട് മൂലമാകാം തീപിടിത്തമെന്നാണ് പ്രാഥമിക നി​ഗമനം. കൃത്യമായ കാരണം ഇതുവരെ ഔദ്യോഗികമായി സ്ഥിരീകരിച്ചിട്ടില്ല.

തീപിടിത്തത്തെത്തുടർന്ന് കെട്ടിടത്തിന്റെ ഭൂരിഭാഗം പ്രദേശങ്ങളിലേക്കും പുക അതിവേഗം പടരുകയും പരിഭ്രാന്തി സൃഷ്ടിക്കുകയും ചെയ്തു. ഡൽഹിയിലെ മാളവിയ നഗറിലുള്ള ​ലമൺ ​ഗ്രീൻ ഹോട്ടലിൽ തീപിടുത്തമുണ്ടായി ഒരു ദിവസത്തിന് ശേഷമാണ് ബീഹാറിലെ ദുരന്തം. ഈ അപകടത്തിൽ 21 പേർക്ക് ജീവൻ നഷ്ടമായിരുന്നു.