4x400 മിക്‌സഡ്‌ റിലേയിൽ ഇന്ത്യ ഫൈനലിൽ: ടേബിൾ ടെന്നീസിൽ ഇന്ത്യൻ സഖ്യം പ്രീ ക്വാർട്ടറിൽ

നഗോയ: ഏഷ്യൻ ​ഗെയിംസിൽ ഇന്ത്യ മെഡൽ നേട്ടത്തിനായി കുതിക്കുന്നു. 4x400 മീറ്റർ മിക്സഡ് റിലേയിൽ ഇന്ത്യ ഫൈനലിൽ പ്രവേശിച്ചപ്പോൾ ടേബിൾ ടെന്നീസിൽ ഇന്ത്യൻ സഖ്യം പ്രീ ക്വാർട്ടറിൽ കടന്നു. ദിയ ചിതാലെയും യശസ്വിനിയും ഇറാനെതിരെ 3-0ത്തിന്റെ വിജയമാണ് നേടിയത്. സ്കോർ: 11-2, 11-2, 11-4.

4x400 മീറ്റർ മിക്സഡ് റിലേയിൽ ജയ് കുമാർ, മനു തെക്കനനിൽ സജി, രശ്ദീപ് കൗർ, അൻസ ബാബു എന്നിവരടങ്ങിയ സംഘം 3:16.23 സമയത്തിൽ ഓടി ചൈനയ്ക്ക് തൊട്ടുപിന്നിൽ രണ്ടാം സ്ഥാനത്താണ് ഫിനിഷ് ചെയ്തത്. കഴിഞ്ഞ തവണ 4x400 മിക്‌സഡ്‌ റിലേയിൽ ഇന്ത്യ വെള്ളി മെഡൽ നേടിയിരുന്നു. ഇന്ന് വൈകുന്നേരം 6.45ന് ഫൈനൽ നടക്കും.

പുരുഷന്മാരുടെ 50 മീറ്റർ ബട്ടർഫ്ലൈ ഹീറ്റ്സിൽ ഇന്ത്യയുടെ ബെനഡിക്റ്റൺ ബെനിസ്റ്റൺ അഞ്ചാം സ്ഥാനത്തെത്തി. എല്ലാ ഹീറ്റ്സുകളിലുമായി അദ്ദേഹം 12-ാം സ്ഥാനത്താണ്. ആദ്യ 10 സ്ഥാനക്കാർക്ക് മാത്രമാണ് ഫൈനലിലേക്ക് യോഗ്യതയുള്ളൂ.