ഏഷ്യൻ ചാമ്പ്യൻസ് ട്രോഫി ഹോക്കി; ചൈനയെ വീഴ്ത്തി ഇന്ത്യ, തുടർച്ചയായ രണ്ടാം ജയം

ജലന്ധർ : ഏഷ്യൻ ചാമ്പ്യൻസ് ട്രോഫി ഹോക്കിയിൽ ചൈനയെ 5–2ന് വീഴ്ത്തി ഇന്ത്യ. ജലന്ധറിൽ നടന്ന മത്സരത്തിൽ നായകൻ ഹർമൻപ്രീത് സിങ്ങും സുഖ്ജീത് സിങ്ങും ഇരട്ടഗോൾ നേടി. ജുഗ്‌രാജ് സിങ്ങാണ് ഇന്ത്യയുടെ അഞ്ചാം ഗോൾ നേടിയത്. ടൂർണമെന്റിലെ ഇന്ത്യയുടെ തുടർച്ചയായ രണ്ടാം ജയമാണിത്. ആദ്യ മത്സരത്തിൽ ബംഗ്ലാദേശിനെ 13–0ന് തോൽപ്പിച്ചിരുന്നു.

ആദ്യ ക്വാർട്ടറിൽ സുഖ്ജീത് സിങ്ങിലൂടെ ഇന്ത്യയാണ് ആദ്യം ഗോൾ നേടിയത്. രണ്ടാം ക്വാർട്ടറിൽ യാങ് പെങ് പെനാൽറ്റി കോർണറിലൂടെ ചൈനയ്ക്കായി സമനില ഗോൾ നേടി. എന്നാൽ ഹർമൻപ്രീത് സിങ്ങിന്റെ പെനാൽറ്റി കോർണർ ഗോളിലൂടെ ഇന്ത്യ വീണ്ടും മുന്നിലെത്തി. ആദ്യ പകുതി അവസാനിക്കുമ്പോൾ ഇന്ത്യ 2–1ന് മുന്നിലായിരുന്നു.

മൂന്നാം ക്വാർട്ടറിന്റെ തുടക്കത്തിൽ ഹർമൻപ്രീത് വീണ്ടും പെനാൽറ്റി കോർണറിലൂടെ ലക്ഷ്യം കണ്ടു. സുഖ്ജീത് സിങ്ങും രണ്ടാം ഗോൾ നേടി ഇന്ത്യയുടെ ലീഡ് 4–1 ആക്കി. ചൈനയ്ക്കായി ചെൻ ചോങ്‌കോങ് പെനാൽറ്റി കോർണറിലൂടെ ഒരു ഗോൾ മടക്കി. അവസാന ക്വാർട്ടറിൽ ജുഗ്‌രാജ് സിങ്ങിന്റെ പെനാൽറ്റി കോർണർ ഗോൾ ഇന്ത്യയുടെ വിജയം ഉറപ്പിച്ചു. ഇതോടെ ഇന്ത്യ 5–2ന്റെ ആധികാരിക വിജയം നേടി.