കെർലി പിന്മാറി

ന്യൂയോർക്ക്​

നൂറ്​ മീറ്ററിലെ മുൻ ലോക ചാമ്പ്യൻ അമേരിക്കയുടെ ഫ്രെഡ്​ കെർലി ലോക അത്​ലറ്റിക്​ ചാമ്പ്യൻഷിപ്പിൽനിന്ന്​ പിൻമാറി. ഇ‍ൗയാഴ്​ച നടക്കുന്ന അമേരിക്കൻ യോഗ്യതാ ചാമ്പ്യൻഷിപ്പിൽ പങ്കെടുക്കില്ലെന്ന്​​ മുപ്പതുകാരൻ അറിയിച്ചു. ഇതോടെയാണ്​ ലോക മീറ്റിന്​ ഇല്ലെന്ന്​ ഉറപ്പായത്​. ദേശീയ മീറ്റിൽ മികച്ച പ്രകടനം നടത്തുന്നവരാണ്​​ അമേരിക്കയിൽനിന്ന്​ ലോക മീറ്റിന്​ പങ്കെടുക്കുക. രണ്ടുവട്ടം ഒളിമ്പിക്​സ്​ മെഡലണിഞ്ഞ കെർലി 2022 ലോക ചാമ്പ്യൻഷിപ്പിലാണ്​ സ്വർണം നേടിയത്​.