print edition കാലിക്കറ്റിന്‌ ജയം

കോഴിക്കോട് : സൂപ്പർ ലീഗ് കേരള ഫുട്ബോളിലെ മലബാർ ഡെർബിയിൽ കാലിക്കറ്റ് എഫ്സിക്ക്‌ ജയം. മലപ്പുറം എഫ്സിയെ ഷൂട്ടൗട്ടിൽ (4–-3) കീഴടക്കി. കോഴിക്കോട് കോർപറേഷൻ ഇഎംഎസ്‌ സ്‌റ്റേഡിയത്തിൽ ഡാനിയേൽ ലാലിംപൂയയിലൂടെ സന്ദർശകരായിരുന്നു മുന്നിലെത്തിയത്‌.

എന്നാൽ പിന്നാലെ പകരക്കാരൻ ലിയോ ഡേവിഡ്‌ കാലിക്കറ്റിനെ ഒപ്പമെത്തിച്ചു. ഇതോടെ മത്സരം ഷൂട്ട‍ൗട്ടിലേക്ക്‌ പോയി. അഞ്ച് അവസരങ്ങളിൽ നാലും കാലിക്കറ്റ് വലയിലാക്കിയപ്പോൾ, മലപ്പുറത്തിന് മൂന്നെണ്ണം മാത്രമാണ് ലക്ഷ്യം കാണാൻ കഴിഞ്ഞത്. തുടർച്ചയായ രണ്ടാം ജയത്തോടെ കാലിക്കറ്റ്‌ ആറ്‌ പോയിന്റുമായി പട്ടികയിൽ ഒന്നാമതെത്തി. നാളെ തിരുവനന്തപുരം ചന്ദ്രശേഖരൻ നായർ സ്റ്റേഡിയത്തിൽ തിരുവനന്തപുരം കൊമ്പൻസ് എഫ്‌സിയും കണ്ണൂർ വാരിയേഴ്‌സ് എഫ്‌സിയും ഏറ്റുമുട്ടും.