യുവേഫ വനിതാ ചാമ്പ്യൻസ് ലീഗ്; മാഞ്ചസ്റ്റർ സിറ്റിക്കും റയലിനും ജയം

Photo: Getty Images, Reuters
മാഡ്രിഡ് : യുവേഫ വനിതാ ചാമ്പ്യൻസ് ലീഗ് ലീഗ് ഘട്ടത്തിൽ മാഞ്ചസ്റ്റർ സിറ്റിക്കും റയൽ മാഡ്രിഡിനും ജയം. ബികെ ഹാക്കനെ എതിരില്ലാത്ത രണ്ട് ഗോളുകൾക്ക് തോൽപ്പിച്ച സിറ്റിയും ഇന്റർ മിലാനെ 3–1ന് കീഴടക്കിയ റയൽ മാഡ്രിഡും വിജയക്കുതിപ്പ് തുടർന്നു.
മാഞ്ചസ്റ്ററിൽ നടന്ന മത്സരത്തിൽ രണ്ടാം പകുതിയിൽ പകരക്കാരായി ഇറങ്ങിയ ലോറൻ ഹെംപും ഖദീജ ബണ്ണി ഷായുമാണ് സിറ്റിക്കായി ഗോൾ നേടിയത്. ഇരുവരുടെയും ഗോളുകളിലൂടെ ഹാക്കനെതിരെ സിറ്റി അനായാസ വിജയം സ്വന്തമാക്കി.
സാൻഡി ബ്യൂണിന്റെ ഇരട്ടഗോളുകളാണ് റയലിന്റെ ജയത്തിൽ നിർണായകമായത്. 28-ാം മിനിറ്റിൽ ലിൻഡ ബീറൻസ്റ്റെയ്ൻ റയലിന്റെ ആദ്യ ഗോൾ നേടി. 42-ാം മിനിറ്റിൽ കറോലിന വിൽഹാൽംസ്ഡോട്ടിറിന് ചുവപ്പുകാർഡ് ലഭിച്ചതോടെ ഇന്റർ പത്ത് പേരായി ചുരുങ്ങി.
45-ാം മിനിറ്റിൽ മിഷേൽ കാംബിയാഗി ഇന്ററിനായി സമനില ഗോൾ നേടി. എന്നാൽ 85-ാം മിനിറ്റിൽ ബ്യൂൺ റയലിനെ വീണ്ടും മുന്നിലെത്തിച്ചു. ഇഞ്ചുറി ടൈമിന്റെ നാലാം മിനിറ്റിൽ പെനാൽറ്റിയിലൂടെ രണ്ടാം ഗോളും നേടിയതോടെ റയലിന്റെ വിജയം ഉറപ്പായി.
മത്സരത്തിൽ റയലിന് വ്യക്തമായ ആധിപത്യമുണ്ടായിരുന്നു. 58.3 ശതമാനം പന്തടക്കം നേടിയ റയൽ 30 ഷോട്ടുകൾ ഉതിർത്തപ്പോൾ ഇന്ററിന് 14 ഷോട്ടുകൾ മാത്രമാണ് നേടാനായത്. റയലിന്റെ 12 ഷോട്ടുകൾ ലക്ഷ്യത്തിലെത്തിയപ്പോൾ ഇന്ററിന് രണ്ടെണ്ണം മാത്രമാണ് ലക്ഷ്യത്തിലെത്തിക്കാനായത്.








0 comments