കളത്തിൽ വീണ്ടും ദുരന്തം; പോർച്ചു​ഗലിന്റെ 25കാരൻ കുഴഞ്ഞുവീണ് മരിച്ചു

ലിസ്‌ബൺ: ഫുട്ബോൾ മത്സരത്തിനിടെ പോർച്ചുഗീസ് താരം കുഴഞ്ഞുവീണ് മരിച്ചു. 25കാരനായ കെവിൻ കാസ്‌ട്രോയാണ് കളിക്കിടെ കുഴഞ്ഞുവീണ് മരിച്ചത്. റയൽ സ്‌പോർടൻ താരമായ കെവിന് ഉടൻ വൈദ്യസഹായം നൽകിയെങ്കിലും ജീവൻ രക്ഷിക്കാനായില്ല.

ടോപ് ഡിവിഷൻ ടീമായ എസ്‌ട്രെല ദ ഡ അമദോറയും മൂന്നാം ഡിവിഷൻ ക്ലബ്ബായ റയൽ സ്‌പോർടും തമ്മലുള്ള മത്സരത്തിനിടെയാണ് സംഭവം.

ഡിഫ്രിബിലേറ്റർ ഉപയോഗിച്ച് മെഡിക്കൽ സംഘം ജീവൻ വീണ്ടെടുക്കാൻ ശ്രമിച്ചെങ്കിലും ഫലമുണ്ടായില്ല. തുടർന്ന് ആശുപത്രിയിൽ പ്രവേശിച്ചപ്പോൾ മരണം സ്ഥിരീകരിക്കുകയായിരുന്നു.