ഇരട്ട ​ഗോളുമായി ക്രിസ്‌റ്റ്യാനോ; അൽ നസറിന് മിന്നും ജയം

റിയാദ്‌: അൽ നസറിൽ ​ഗോളടി തുടർന്ന് ക്രിസ്‌റ്റ്യാനോ റൊണാൾഡോ. സ‍ൗദി ഫുട്‌ബോൾ ലീഗിൽ ഇരട്ട​ഗോളുമായി ക്രിസ്‌റ്റ്യാനോ തിളങ്ങിയപ്പോൾ അൽ ഹസീമിനെ എതിരില്ലാത്ത് നാലു ​ഗോളുകൾക്കാണ് അൽ നസർ തകർത്തത്. ഇതോടെ പോയിന്റ് പട്ടികയിൽ ടീം ഒന്നാം സ്ഥാനത്തെത്തി.

13-ാം മിനിറ്റിൽ ക്രിസ്‌റ്റ്യാനോ റൊണാൾഡോയുടെ ​ഗോളിലൂടെയാണ് അൽ നസർ പടയോട്ടം തുടർന്നത്. 30-ാം മിനിറ്റിൽ കോമൻ ലീഡ് ഉയർത്തി. ജോവോ ഫെലിക്സിന്റെ പാസിൽ നിന്നായിരുന്നു ​ഗോൾ. രണ്ടാം പകുതിയിൽ ബ്രസീലിയൻ താരം ആഞ്ചലോയുടെയും ​ക്രിസ്‌റ്റ്യാനോയുടെയും ​ഗോളു കൂടി വീണപ്പോൾ അൽ ഹസീമിന് മറുപടിയുണ്ടായില്ല.

അൽ നസറുമായുള്ള പ്രശ്‌നങ്ങൾ പരിഹരിച്ച് തിരിച്ചെത്തിയ ക്രിസ്‌റ്റ്യാനോ മികച്ച ഫോമിലാണ്. തുടർച്ചയായ രണ്ടാം കളിയിലും ​ഗോൾ കണ്ടെത്തിയ

നാൽപ്പത്തൊന്നുകാരന്‌ ആകെ ഗോൾ 964 ആയി. ആയിരം ​ഗോളാണ് താരത്തിന്റെ ലക്ഷ്യം.