നാല് ​ഗോൾ, ഒരു അസിസ്റ്റ്; മയാമിക്കായി നിറഞ്ഞാടി മെസി: 7-1ന്റെ വമ്പൻ ജയം

ഫ്ലോറിഡ: അമേരിക്കൻ മേജർ ലീഗ്‌ സോക്കറിൽ ലയണൽ മെസി വാഴുന്നു. ഇന്റർ മയാമിക്കായി നാലും ​ഗോളും ഒരു അസിസ്റ്റുമായി മെസി നിറഞ്ഞാടിയപ്പോൾ സിഎഫ് മോൻഡ്രിയലിനെ 7-1നാണ് ടീം തകർത്തത്. തുടർ തോൽവിയിൽ നിന്നും ടീം ​ഗം​ഗീര തിരിച്ചുവരവാണ് നടത്തിയത്.

20-ാം മിനുട്ടിൽ കാസമിറോയാണ് ഇന്റർ മയാമിയുടെ ​ഗോൾ വേട്ടയ്ക്ക് തുടക്കം കുറിച്ചത്. 37ാം മിനുട്ടിൽ ഹെർബേഴ്സിലൂടെ മോൻഡ്രിയൽ സമനില പിടിച്ചു. ഇതിനു പിന്നെലയാണ് മെസി ​ഗോളിൽ ആറാടിയത്. 40ാം മിനിലാണ് ആദ്യ ​ഗോൾ പിറന്നത്. 52-ാം മിനിറ്റിൽ രണ്ടാം ​ഗോൾ നേടിയ താരം 83-ാം മിനിറ്റിൽ ഹാട്രിക്ക് പൂർത്തിയാക്കി. 90-ാം മിനിറ്റിലെ ഇഞ്ചുറി ടൈമിലായിരുന്നു അവസാന ​ഗോൾ. ഇതിൽ രണ്ടു ​ഗോളുകൾ ഫ്രീക്കിക്കിലൂടെയാണ് പിറന്നത്. 80-ാം മിനിറ്റിൽ ലൂയിസ് സുവാരസും 89-ാം മിനിറ്റിൽ അലക്സാഡർ ഷോയും മിയാമിക്കായി ​ഗോൾ കണ്ടെത്തി.

ഹാട്രിക്ക് നേട്ടത്തോടെ മെസിയുടെ ആകെ ​ഗോൾ നേട്ടം 923 ആയി. ആയിരം ഗോളെന്ന സ്വപ്‌ന നേട്ടത്തിലേക്ക്‌ അടുത്ത്‌ ക്രിസ്‌റ്റ്യാനോ റൊണാൾഡോയാണ് മുന്നിൽ. കഴിഞ്ഞ ദിവസം സ‍ൗദി പ്രോ ലീഗ്‌ ഫുട്‌ബോളിൽ അൽ നസറിനായി ലക്ഷ്യം കണ്ടതോടെ റൊണാൾഡോയ്‌ക്ക്‌ ആകെ 978 ഗോളായി.