ഇംഗ്ലീഷ് പ്രീമിയർ ലീഗ്: എമി മാർട്ടിനെസിന്റെ അരങ്ങേറ്റ മത്സരത്തിൽ ബ്രൈറ്റണെ വീഴ്ത്തി ചെൽസി

ലണ്ടൻ : ഇംഗ്ലീഷ് പ്രീമിയർ ലീഗിൽ സാബി അലോൺസോയുടെ കീഴിൽ സ്റ്റാംഫോർഡ് ബ്രിഡ്ജിൽ ഇറങ്ങിയ ആദ്യ മത്സരത്തിൽ ബ്രൈറ്റണെ 4-3ന് പരാജയപ്പെടുത്തി ചെൽസി. ആവേശം നിറഞ്ഞ ഏഴ് ഗോളുകൾ പിറന്ന പോരാട്ടത്തിലാണ് ചെൽസി വിജയം കണ്ടത്. ആസ്റ്റൺ വില്ലയിൽ നിന്ന് ചെൽസിയിലെത്തിയ അർജന്റീനയുടെ ലോകകപ്പ് ജേതാവായ ഗോൾകീപ്പർ എമിലിയാനോ മാർട്ടിനെസ് ഇതോടെ ചെൽസി ജേഴ്സിയിൽ അരങ്ങേറ്റം കുറിച്ചു.

തുടർച്ചയായ മോശം പ്രകടനത്തെ തുടർന്ന് റോബർട്ട് സാഞ്ചസിനെ മാറ്റിയാണ് എമിക്ക് ആദ്യ ഇലവനിൽ അവസരം നൽകിയത്. റൊമേയോ ലാവിവ, പെഡ്രോ നെറ്റോ, ജോവ കോ പെഡ്രോ, കോൾ പാമർ എന്നിവരാണ് ചെൽസിക്കായി ഗോളുകൾ നേടിയത്.മികച്ച മുന്നേറ്റം നടത്തിയെങ്കിലും അവസാന ഘട്ടങ്ങളിൽ ബ്രൈറ്റൺ ശക്തമായ പ്രതിരോധം തീർത്തത് ചെൽസിക്ക് വെല്ലുവിളിയായി.

പരിക്കേറ്റ മോയിസസ് കൈസെഡോ കളിക്കളത്തിന് പുറത്തുപോയത് ചെൽസി ആരാധകർക്ക് ആശങ്കയുണ്ടാക്കി. കഴിഞ്ഞ മത്സരത്തിൽ ഫുൾഹാമിനെ 3-2 ന് തോൽപ്പിച്ച ചെൽസിക്ക് പുതിയ പരിശീലകൻ സാബി അലോൺസോയ്ക്ക് കീഴിൽ തുടർച്ചയായ രണ്ടാം ജയമാണിത്.