സൂര്യകുമാറിന്റെ വെടിക്കെട്ട്; സയ്യിദ് മുഷ്താഖ് അലി ട്രോഫിയിൽ ഹൈദരാബാദിനെ തകർത്ത് മുംബൈ

കൊൽക്കത്ത : സയ്യിദ് മുഷ്താഖ് അലി ട്രോഫിയിൽ ഹൈദരാബാദിനെതിരെ മുംബൈക്ക് ഏഴ് വിക്കറ്റ് ജയം. സൂര്യകുമാർ യാദവിന്റെ വെടിക്കെട്ട് ബാറ്റിങ്ങാണ് മുംബൈക്ക് അനായാസ വിജയം സമ്മാനിച്ചത്. 21 പന്തിൽ ആറ് ഫോറും അഞ്ച് സിക്സും ഉൾപ്പെടെ 60 റൺസുമായി സൂര്യകുമാർ പുറത്താകാതെ നിന്നു. 41 പന്തുകൾ ബാക്കിനിൽക്കെയാണ് മുംബൈ ലക്ഷ്യത്തിലെത്തിയത്.

ആദ്യം ബാറ്റ് ചെയ്ത ഹൈദരാബാദ് 20 ഓവറിൽ 172 റൺസിന് എല്ലാവരും പുറത്തായി. അഭിരത് റെഡ്ഡി 24 പന്തിൽ 35 റൺസെടുത്ത് ടോപ് സ്കോററായി. കൊഡിമേല ഹിമതേജ 25 റൺസും ചാമ മിലിന്ദ് 22 റൺസും നേടി. മുംബൈക്കായി മാക്സ്വെൽ സ്വാമിനാഥൻ മൂന്ന് വിക്കറ്റെടുത്തു. ശിവം ദുബെ രണ്ടും സായിരാജ് പാട്ടീൽ രണ്ടും വിക്കറ്റുകൾ വീഴ്ത്തി.

മറുപടി ബാറ്റിങ്ങിൽ മുംബൈ 13.1 ഓവറിൽ മൂന്ന് വിക്കറ്റ് നഷ്ടത്തിൽ ലക്ഷ്യം മറികടന്നു. സൂര്യകുമാറിന് പുറമെ മുഷീർ ഖാൻ 24 പന്തിൽ 51 റൺസെടുത്ത് തിളങ്ങി. അംഗ്കൃഷ് രഘുവംശി 13 പന്തിൽ 27 റൺസും ഹാർദിക് തമോർ 16 പന്തിൽ 22 റൺസും നേടി. ഹൈദരാബാദിനായി അജയ് ദേവ് ഗൗഡ് രണ്ട് വിക്കറ്റ് വീഴ്ത്തി. സൂര്യകുമാറാണ് കളിയിലെ താരം.