NSWNMA ‘റൈസിങ് സ്റ്റാർ അവാർഡ്’ നേടി മലയാളി നഴ്സ് ജുമൈല ആദിൽ

സിഡ്നി: ഓസ്‌ട്രേലിയയിലെ പ്രമുഖ നഴ്സിങ് യൂണിയനായ NSW Nurses and Midwives’ Association (NSWNMA) സംഘടിപ്പിച്ച “Stronger Together Awards 2026”-ൽ “റൈസിങ് സ്റ്റാർ അവാർഡ്” മലയാളി നഴ്സായ ജുമൈല ആദിലിന്. തൊഴിലിടങ്ങളിലെ വിവേചനങ്ങൾക്കെതിരെ ശബ്ദമുയർത്തുകയും, വിദേശ നഴ്സുമാരുടെയും CALD (Culturally and Linguistically Diverse) സമൂഹങ്ങളുടെയും അവകാശങ്ങൾക്കായി പ്രവർത്തിക്കുകയും ചെയ്തതിന്റെ അംഗീകാരമായാണ് പുരസ്കാരം ലഭിച്ചത്.

കേരളത്തിൽ നിന്ന് നഴ്സിങ് പഠനം പൂർത്തിയാക്കിയ ശേഷം അഞ്ച് വർഷത്തോളം സൗദി അറേബ്യയിൽ സേവനം അനുഷ്ഠിച്ച ജുമൈല 2020ലാണ് ഓസ്‌ട്രേലിയയിലെത്തിയത്. തുടർന്ന് റൂറൽ എൻഎസ്ഡബ്ല്യെൂവിലെ വാരൺ ആശുപത്രിയിൽ രജിസ്ട്രേഡ് നഴ്സായി സേവനം ആരംഭിച്ചു.ഓസ്ട്രേലിയയിലെ മലയാളംമിഷൻ ഡയറക്ടറും മലയാളി കൂട്ടായ്മയായ നവോദയയുടെ പ്രവർത്തകയുമാണ്. ലോകകേരള സഭാംഗമാണ്. പെരിന്തൽമണ്ണ സ്വദേശിനിയായ ജുമൈലക്കൊപ്പം ഭർത്താവ് ആദിൽ യൂനസും മക്കളും ഓസ്ട്രേലിയയിലുണ്ട്.