“ഹൃദയപക്ഷ ചിന്തകൾ” പുസ്തകം പ്രകാശനം ചെയ്തു

ലിറ്റററി അസോസ്സിയേഷൻ ഓഫ് നോർത്ത് അമേരിക്ക (ലാന) യുടെ പ്രസിഡന്റും എഴുത്തുകാരനുമായ അമ്പഴക്കാട്ട് ശങ്കരന്റെ “ഹൃദയപക്ഷ ചിന്തകൾ” (ലേഖന സമാഹാരം) എന്ന പുസ്തകത്തിന്റെ പ്രകാശനം ഡാളസ്, ടെക്സസിൽ വെച്ച് നടന്നു. ലാന പതിനാലാം ദ്വൈവാർഷിക സമ്മേളന ഉദ്ഘാടനവേദിയിൽ വെച്ച് ജനനി എഡിറ്റർ ജെ. മാത്യൂസ് ലാന മുൻ പ്രസിഡന്റ് ജോൺ മാത്യുവിന്‌ നൽകിക്കൊണ്ട് പുസ്തകം പ്രകാശിപ്പിച്ചു. 12 രാഷ്ട്രീയ-സാമൂഹ്യ ലേഖനങ്ങൾ അടങ്ങിയ ലേഖനസമാഹാരത്തിന്‌ അവതാരിക എഴുതിയിട്ടുള്ളത് എഴുത്തുകാരൻ ഇ സന്തോഷ് കുമാറാണ്‌.

പുലിറ്റ്സർ ബുക്സ് പ്രസിദ്ധീകരിച്ച വഴിയമ്പലം (നോവൽ), കൊടുക്കാക്കടം (കഥാസമാഹാരം) എന്നീ രണ്ടു പുസ്തകങ്ങൾക്കുശേഷം നിധി ബുക്സ് പ്രസിദ്ധീകരിക്കുന്ന മുന്നാമത്തെ പുസ്തകമാണ്‌ ഹൃദയപക്ഷ ചിന്തകൾ. പുസ്തകങ്ങൾക്കായി- [email protected], നിധി ബുക്സ് (കണ്ണൂർ, [email protected]) പുലിറ്റ്സർ ബുക്സ് (കൊടുങ്ങല്ലൂർ, തൃശ്ശൂർ ജില്ല, +91 98958 19562) സമീപിക്കാം.