റിയാദിൽ സൈനിക മെഡിക്കൽ കേന്ദ്രവും ക്ലിനിക്കും ഉദ്ഘാടനം ചെയ്‌തു

റിയാദ്: റിയാദിലെ പുതിയ സൈനിക മെഡിക്കൽ കേന്ദ്രവും ചികിത്സാ ക്ലിനിക്കും സൗദി ആഭ്യന്തര മന്ത്രി അബ-്‌ദുൾ അസീസ് ബിൻ സൗദ് ബിൻ നായിഫ് ഉദ്ഘാടനംചെയ-്‌തു. ആഭ്യന്തര മന്ത്രാലയത്തിന്റെ മെഡിക്കൽ സേവന വിഭാഗത്തിന്‌ കീഴിലാണ് ഇവ പ്രവർത്തിക്കുന്നത്. ​

മെഡിക്കൽ കേന്ദ്രത്തിൽ അത്യാഹിത ചികിത്സ, ജനറൽ മെഡിസിൻ, ഫിസിയോതെറാപ്പി, പുനരധിവാസം, ഫാർമസി തുടങ്ങിയ സേവനങ്ങൾ ലഭ്യമാകും. ചികിത്സാ, രോഗനിർണയ സംവിധാനങ്ങളും ഉപകരണങ്ങളും മന്ത്രി വിലയിരുത്തി.

​സുരക്ഷാ വിഭാഗങ്ങളിൽ ജോലിക്കായി അപേക്ഷിക്കുന്നവരുടെ ആരോഗ്യപരിശോധനയും കായികക്ഷമതാ വിലയിരുത്തലും നടത്താനാണ്‌ സൈനിക മെഡിക്കൽ കമ്മിറ്റി ക്ലിനിക്കുകൾ. റേഡിയോളജി, ലബോറട്ടറി, ദന്തചികിത്സ, വിവിധ സ-്‌പെഷ്യാലിറ്റി ക്ലിനിക്കുകൾ എന്നിവയും ഇവിടെയുണ്ട്. ​സൗദിയിലെ മെഡിക്കൽ നഗരങ്ങൾ, സുരക്ഷാസേനാ ആശുപത്രികൾ, ആരോഗ്യകേന്ദ്രങ്ങൾ, പ്രത്യേക ക്ലിനിക്കുകൾ എന്നിവയുൾപ്പെടുന്ന ആഭ്യന്തര മന്ത്രാലയത്തിന്റെ ആരോഗ്യസേവന ശൃംഖല വികസിപ്പിക്കുന്നതിന്റെ ഭാഗമായാണ് പുതിയ കേന്ദ്രങ്ങൾ ആരംഭിച്ചത്. ചികിത്സാ-രോഗനിർണയ സേവനങ്ങളുടെ കാര്യക്ഷമതയും ആരോഗ്യപരിചരണത്തിന്റെ ഗുണനിലവാരവും മെച്ചപ്പെടുത്തുകയാണ് ലക്ഷ്യം.