കേളി ടിഎസ്ടി കപ്പ് ക്രിക്കറ്റ്: സെമി ഫൈനലും ഫൈനലും 22ന്

keli cricket tournament
വെബ് ഡെസ്ക്

Published on Aug 21, 2025, 03:57 PM | 1 min read

റിയാദ് : കേളി കലാസാംസ്‌കാരിക വേദി സുലൈ ഏരിയ സമ്മേളനത്തിന്റെ ഭാഗമായുള്ള ‘കേളി ടിഎസ്ടി കപ്പ്' ക്രിക്കറ്റ് ടൂർണമെന്റിന്റെ സെമി ഫൈനലും ഫൈനലും 22ന് നടക്കും. സുലൈ എംസിഎ, ടെക്‌സാ ഗ്രൗണ്ടുകളിലായാണ്‌ മത്സരം. ആദ്യ സെമിയിൽ ഉസ്‌താദ് ഇലവൻ, രത്‌നഗിരി റോയൽസുമായി മത്സരിക്കും. ട്രാവൻകൂർ സിസിയും റോക്ക്സ്റ്റാർസ് സിസിയും തമ്മിലാണ്‌ രണ്ടാം സെമി ഫൈനൽ. വൈകിട്ട്‌ 6.30ന് ടെക്സാ ഫ്ലഡ്‌ലൈറ്റ് ഗ്രൗണ്ടിൽ നടക്കുന്ന കലാശപോരാട്ടത്തിൽ ഇരുമത്സരത്തിലെയും വിജയികൾ ഏറ്റുമുട്ടും.


മൂന്നാം വാരത്തിൽ നടന്ന ആദ്യ ക്വാർട്ടർ ഫൈനലിൽ രത്നഗിരി റോയൽസ്, കിങ്‌സ് മലാസിനെ 81 റൺസിന്‌ പരാജയപ്പെടുത്തി. രണ്ടാം മത്സരത്തിൽ ഉസ്‌താദ് ഇലവൻ, റിയാദ് വാരിയേഴ്സിനെ 27 റണ്ണിനും മൂന്നാം മത്സരത്തിൽ റോക്‌സ്റ്റാർസ് സിസി, റിബൽസ് റിയാദിനെ എട്ടു വിക്കറ്റിനും തോൽപ്പിച്ചു. നാലാം മത്സരത്തിൽ ട്രാവൻകൂർ സിസി ടീം, ഐടിഎല്ലിനെ 22 റൺസിന്‌ പരാജയപ്പെടുത്തി. ജുനേദ് (രത്‌നഗിരി റോയൽസ്), നന്ദു സംഗീത് (ഉസ്‌താദ് ഇലവൻ), എം ജെ ജസീൽ (റോക്ക്സ്റ്റാർസ് സിസി), വാരീസ് ഭായ് (ട്രാവൻകൂർ സിസി) എന്നിവർ മികച്ച കളിക്കാരായി.


മത്സരശേഷം നടന്ന ചടങ്ങിൽ സംഘാടക സമിതി ചെയർമാൻ ഫൈസൽ അധ്യക്ഷനായി. ടെക്‌നിക്കൽ കമ്മിറ്റി കൺവീനർ റീജേഷ് രയരോത്ത് മത്സരഫലം ഔദ്യോഗികമായി പ്രഖ്യാപിച്ചു. സുലൈ ഏരിയ പ്രസിഡന്റ് ജോർജ്, ഏരിയ വൈസ് പ്രസിഡന്റ് സുനിൽ എന്നിവർ ‘മാൻ ഓഫ് ദ മാച്ച്’ ട്രോഫികൾ സമ്മാനിച്ചു. കേന്ദ്ര സെക്രട്ടറിയറ്റ് അംഗവും സുലൈ രക്ഷാധികാരി ആക്ടിങ് സെക്രട്ടറിയുമായ കാഹിം ചേളാരി, സുലൈ ഏരിയ ഭാരവാഹികളായ ഗോപിനാഥ്, പ്രകാശൻ, അയ്യൂബ്ഖാൻ, കൃഷ്ണൻ കുട്ടി, വിനോദ് കുമാർ, ഷമീർ പറമ്പടി, ഇസ്‌മായിൽ, നവാസ്, ഷമീർ ഖാൻ, സത്യപ്രമോദ്, സുബൈർ ഹാരിസ്, ജോസ്, അശോകൻ, ശ്രീജിത്ത്‌, അബ്ദുൾ സലാം, സംസീർ, നാസർ എന്നിവർ സംസാരിച്ചു. ഏരിയ സെക്രട്ടറിയും കേന്ദ്ര കമ്മിറ്റി അംഗവുമായ ഹാഷിം കുന്നുതറ സ്വാഗതവും സംഘാടക സമിതി കൺവീനർ ഷറഫ് ബാബ്‌തൈൻ നന്ദിയും പറഞ്ഞു.




deshabhimani section

Related News

View More
0 comments
Sort by

deshabhimani section

Dont Miss it

deshabhimani section

Recommended

Deshabhimani

Subscribe to our newsletter

Quick Links


Home