ഇശൽ നിലാവ്; ഓർമ ആർട്സ് ഫെസ്റ്റ് ജൂൺ 7ന്

ദുബായ്: ഓർമ ദുബായ് സംഘടിപ്പിക്കുന്ന കലോത്സവം 'ഇശൽ നിലാവ് ഓർമ ആർട്സ് ഫെസ്റ്റ് സീസൺ 2' ശനിയാഴ്ച അരങ്ങേറും. ബലിപെരുന്നാൾ ആഘോഷതോടനുബന്ധിച്ചാണ് പരിപാടി.

ദുബായ് ജെംസ് പ്രൈവറ്റ് സ്‌കൂൾ, ഔട്‌ മേത്തയിൽ രാവിലെ 9 മണിക്ക് ആരംഭിക്കുന്ന കലാമത്സരങ്ങളിൽ ശാസ്ത്രീയ നൃത്തങ്ങൾ, ശാസ്ത്രീയ ഗാനം, തിരുവാതിര, ഒപ്പന, മുട്ടിപ്പാട്ട്, വട്ടപ്പാട്ട്, മാപ്പിളപ്പാട്ട്, സിനിമാ ഗാനങ്ങൾ, സിനിമാറ്റിക് ഡാൻസ്, എന്നിങ്ങനെ 17 വിഭാഗങ്ങളിലായാണ് മത്സരങ്ങൾ ഉണ്ടാവുക. ഓർമയുടെ 5 മേഖലകൾ തമ്മിൽ നടക്കുന്ന കലാമത്സരങ്ങളിൽ നാനൂറിലധികം കലാകാരന്മാർ പങ്കെടുക്കുമെന്ന് സംഘാടകർ അറിയിച്ചു. കൂടുതൽ വിവരങ്ങൾക്ക് +971 55 800 0112