'ആരോഗ്യകരമായ സമൂഹത്തിന് സുരക്ഷിത ജലം'

ദുബായ് : ദുബായ് മുനിസിപ്പാലിറ്റി, കമ്മ്യൂണിറ്റി ഡെവലപ്‌മെന്റ്‌ അതോറിറ്റിയുമായി സഹകരിച്ച്, മുതിർന്ന പൗരന്മാരുടെ വീടുകളിലും വില്ലകളിലും ജല സംവിധാനങ്ങൾ സുരക്ഷിതമാക്കുക എന്ന ലക്ഷ്യത്തോടെ 'സുരക്ഷിത ജലം, ആരോഗ്യകരമായ സമൂഹം' സംരംഭം ആരംഭിച്ചു. 2025 സമൂഹിക വർഷമായി ആഘോഷിക്കുന്നതിന്റെ ഭാഗമാണിത്.

കാമ്പെയ്‌നിന്റെ ആദ്യ ഘട്ടത്തിൽ ദുബായിലെ 10 വ്യത്യസ്ത പ്രദേശങ്ങളിലെ 42 വീടുകളുടെയും വില്ലകളുടെയും ജല സംവിധാനങ്ങൾ പരിശോധിക്കും. ഇതിനായി, ജലത്തിന്റെ ഗുണനിലവാരവും സുരക്ഷാ മാനദണ്ഡങ്ങളും വിലയിരുത്തുന്നതിന് വിദഗ്ദ്ധ എഞ്ചിനീയറിംഗ് ടീമുകൾ ഫീൽഡ് പരിശോധനകൾ നടത്തും.