തിച്ചൂർ സുരേന്ദ്രനും വിജി സുരേന്ദ്രനും യാത്രയയപ്പ്‌

മസ്കത്ത്‌: ഇന്ത്യൻ സോഷ്യൽ ക്ലബ് ഒമാൻ കേരള വിഭാഗം തിച്ചൂർ സുരേന്ദ്രനും വിജി സുരേന്ദ്രനും യാത്രയയപ്പ് നൽകി. കേരള വിഭാഗം കൺവീനർ അജയൻ പൊയ്യാറ അധ്യക്ഷനായി. ഇന്ത്യൻ സോഷ്യൽ ക്ലബ് ഒമാൻ കമ്യൂണിറ്റി വെൽഫെയർ സെക്രട്ടറി സന്തോഷ-്‌കുമാർ, കേരള വിഭാഗം ട്രഷറർ ടി കെ സുനിത്, ബാലവിഭാഗം സെക്രട്ടറി റോഫിൻ ജോൺ, മുൻ മാനേജിങ്‌ കമ്മിറ്റിയംഗങ്ങളായ സുധി പദ്മനാഭൻ, ബാബുരാജ് നമ്പൂതിരി, കെ വി വിജയൻ, നിഷാന്ത്ചന്ദ്രൻ, ദിനേഷ്ബാബു, സന്തോഷ് എരിഞ്ഞേരി എന്നിവർ സംസാരിച്ചു. ​

കേരള വിഭാഗത്തിന്റെ ഉപഹാരം കൺവീനർ അജയൻ പൊയ്യാറയും മാനേജിങ്‌ കമ്മിറ്റിയംഗങ്ങളും ചേർന്ന് സുരേന്ദ്രനും വിജിക്കും സമ്മാനിച്ചു. കോ കൺവീനർ ജഗദീഷ് കീരി സ്വാഗതവും കായിക വിഭാഗം സെക്രട്ടറി ബിബിൻ ദാസ് നന്ദിയും പറഞ്ഞു.