പൊന്ന് വിലയിൽ കുറവുണ്ടേ! പവന് 1,240 രൂപ ഇടിവ്

കൊച്ചി : സംസ്ഥാനത്ത് സ്വർണവില കുറയുന്നു. പവന് 1,240 രൂപ കുറഞ്ഞ് വില 1,05,720 ആയി. കഴിഞ്ഞ ​​ദിവസം 1,06,960 രൂപയായിരുന്നു പവന്റെ വില. ​ഗ്രാമിന് 155 രൂപ കുറഞ്ഞ് 13,370‌ൽ നിന്ന് 13,215 ആയി. നേരിയതോതിൽ കഴിഞ്ഞദിവസം വിലയുയർന്നിരുന്നു. ശേഷമാണ് സ്വർണവിലയിൽ കുറവുണ്ടാകുന്നത്. നാലുദിവസത്തെ ഇടവേളക്ക് ശേഷം ബുധനാഴ്ച സ്വർണവിലയിൽ വർധവ് രേഖപ്പെടുത്തിയിരുന്നു.

24 കാരറ്റിന് പവന് 1,15,336 രൂപയും ​ഗ്രാമിന് 14,417 രൂപയും 18 കാരറ്റിന് പവന് 86,504 രൂപയും ​ഗ്രാമിന് 10,813 രൂപയുമാണ് വില. പണിക്കൂലിയും ജിഎസ്ടിയുമടക്കം ഒരു പവൻ സ്വർണം വാങ്ങാൻ 1,25,000 രൂപയോളം വേണ്ടിവരും. ആഭരണങ്ങളുടെ ഡിസൈൻ മാറുന്നതനുസരിച്ച് വിലയിൽ വ്യത്യാസം വരാം. വെള്ളിക്ക് ​ഗ്രാമിന് 239 രൂപയും കിലോ​ഗ്രാമിന് 2,39,000 രൂപയുമാണ് വില.