ഒരു പവൻ സ്വർണം വാങ്ങാൻ എത്ര രൂപ വേണം? ഇന്നത്തെ വില അറിയാം

തിരുവനന്തപുരം : ആഭരണപ്രേമികൾക്ക് തിരിച്ചടിയേകി ഇന്നും സംസ്ഥാനത്ത് സ്വർണവില വർധിച്ചു. ഒരു ​ഗ്രാം സ്വർണത്തിന് 60 രൂപ വർധിച്ച് 13,195 രൂപയും, പവന് 480 രൂപ വർധനയോടെ 1,05,560 രൂപയുമായി. ഒരു പവൻ സ്വർണം വാങ്ങണമെങ്കിൽ വൻ തുക നൽകേണ്ടി വരും. സംസ്ഥാനത്ത് 5 മുതൽ 15 വരെയാണ് സ്വർണത്തിന് മേൽ പണിക്കൂലി ചുമത്തുന്നത്. ഇതിനു പുറമെ ജിഎസ്ടിയും ബാധകമാണ്. അതായത് 5 ശതമാനം പണിക്കൂലിയും, 3 ശതമാനം ജിഎസ്ടിയും കണക്കാക്കിയാൽ ഒരു പവൻ സ്വർണം വാങ്ങാൻ ₹1,14,163 രൂപ ചെലവാക്കണം.

കഴിഞ്ഞ പത്തു ദിവസമായി സ്വർണവില ചാഞ്ചാട്ടത്തിലാണ്. ഈ മാസം ഒരു ​ഗ്രാമിന് രേഖപ്പെടുത്തിയ ഏറ്റവും ഉയർന്ന വില 13,880 രൂപയാണ് (ഒക്ടോബർ 10). അതേസമയം, ഏറ്റവും കുറഞ്ഞ നിരക്ക് ഒക്ടോബർ 23ന് രേഖപ്പെടുത്തിയ 13,060 രൂപയുമാണ്.

വെള്ളിയുടെ വിലയിൽ 5 ദിവസമായി മാറ്റമൊന്നുമില്ല. ഒക്ടോബർ 24ന് ഒരു കിലോ വെള്ളിക്ക് ഒറ്റയടിക്ക് 5,000 രൂപ കുറഞ്ഞിരുന്നു. ഇന്ന് 10 ​ഗ്രാം വെള്ളിക്ക് 2,200 രൂപയും, ഒരു കിലോക്ക് 2,20,000 രൂപയുമാണ്. പ്ലാറ്റിനത്തിന് ഇന്ന് വില കുത്തനെ കൂടിയിട്ടുണ്ട്. 10 ​ഗ്രാം പ്ലാറ്റിനത്തിന് 530 രൂപ വർധിച്ച് 37,416 രൂപയായി. 100 ​ഗ്രാം പ്ലാറ്റിനത്തിന് ഒറ്റയടിക്ക് 5,300 രൂപയാണ് വർധിച്ചത്. കഴിഞ്ഞ കുറച്ചു ദിവസങ്ങളായി പ്ലാറ്റിനത്തിന്റെ വിലയിൽ ഇടിവായിരുന്നു. ഇന്നലെ മാത്രം 10 ​ഗ്രാമിന് 990 രൂപ കുറഞ്ഞിരുന്നു.

പശ്ചിമേഷ്യയിലെ തുടരുന്ന സംഘർഷമാണ് മാസങ്ങളായി സ്വർണവിലയിലെ ഏറ്റക്കുറച്ചിലുകൾക്ക് കാരണം. അന്താരാഷ്ട്ര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കുന്നത്. ക്രൂഡ് ഓയിൽ വില, ഡോളർ-രൂപ വിനിമയ നിരക്ക്, ഇറക്കുമതി തീരുവ എന്നിവ സ്വർണവിലയെ ബാധിക്കുന്ന ഘടകങ്ങളാണ്.

ലോകത്ത് ഏറ്റവും കൂടുതൽ സ്വ‌ർണം ഇറക്കുമതി ചെയ്യുന്ന രാജ്യമാണ് ഇന്ത്യ. അതിനാൽ തന്നെ ആ​ഗോള വിപണിയിലെ ചെറിയ മാറ്റങ്ങൾ പോലും സ്വർണവിലയിൽ പ്രതിഫലിക്കാറുണ്ട്. കേരളത്തിൽ പ്രാദേശികമായി പ്രവർത്തിക്കുന്ന ഗോൾഡ് അസോസിയേഷനുകളാണ് സ്വർണത്തിന് വില നിശ്ചയിക്കുന്നത്. സ്വർണത്തിന്റെ ആവശ്യമനുസരിച്ച് വില കൂട്ടുന്നതും കുറയ്ക്കുന്നതും ഇത്തരം അസോസിയേഷനുകളാണ്.

പത്ത് ദിവസത്തെ സ്വർണവില (​ഗ്രാം)

ഒക്ടോബർ - 28 - ₹13,195

ഒക്ടോബർ - 27 - ₹13,135

ഒക്ടോബർ - 26 - ₹13,085

ഒക്ടോബർ - 25 - ₹13,070

ഒക്ടോബർ - 24 - ₹13,070

ഒക്ടോബർ - 23 - ₹13,060

ഒക്ടോബർ - 22 - ₹13,235

ഒക്ടോബർ - 21 - ₹13,390

ഒക്ടോബർ - 20 - ₹13,390

ഒക്ടോബർ - 19 - ₹13,570