ചെറിയ ആശ്വാസം; കുതിപ്പിന് ബ്രേക്കിട്ട് പൊന്ന്

തിരുവനന്തപുരം : നാൾക്കുനാൾ മൂല്യം ഉയരുന്ന വസ്തുവാണ് സ്വർണം. നിക്ഷേപകർ എല്ലാക്കാലത്തും ഇഷ്ടപ്പെടുന്നതും സ്വർണത്തെയാണ്. സ്വർണത്തിൽ നിക്ഷേപിച്ചാൽ നഷ്ടമുണ്ടാകില്ലെന്നതാണ് നിക്ഷേപകരുടെ പൊതുവായ വിശ്വാസം.

സ്വർണം വാങ്ങാൻ കാത്തിരുന്നവർക്ക് ആശ്വാസമേകി ഇന്ന് സ്വർണത്തിന് ​പവന് 240 രൂപ കുറഞ്ഞിട്ടുണ്ട്. ഒരു ​ഗ്രാം സ്വ‌ർണത്തിന് 13,680 രൂപയും, പവന് 1,09,440 രൂപയുമാണ് ഇന്നത്തെ വില. പുതിയ മാസം പിറന്നിട്ടും സ്വർണവില വലിയ തോതിൽ പിന്നോട്ട് പോയിട്ടില്ല. സെപ്റ്റംബറിലെ ഏറ്റവും ഉയർന്ന നിരക്ക് ​ഗ്രാമിന് 14,360 രൂപയായിരുന്നു (സെപ്റ്റംബർ 4). ഏറ്റവും കുറഞ്ഞ നിരക്ക് 13,640 രൂപയും (സെപ്റ്റംബർ 29).

അന്താരാഷ്ട്ര വിപണിയിലെ ചെറിയ ചലനങ്ങൾ പോലും സംസ്ഥാനത്ത് സ്വ‌ർണവിലയെ ബാധിക്കാറുണ്ട്. ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്. ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണമാണ് രാജ്യത്തേക്ക് ഇറക്കുമതി ചെയ്യപ്പെടുന്നത്.