ഒരു പവന് ഒന്നരലക്ഷത്തോളം അടുക്കുന്നു; സ്വർണവിലയിൽ വൻ കുതിപ്പ്

തിരുവനന്തപുരം: സംസ്ഥാനത്ത് സ്വർണവിലയിൽ റെക്കോർഡ് വർധന. തുടർച്ചയായ ഏറ്റക്കുറച്ചിലുകൾക്കൊടുവിൽ ഇന്ന് വൈകുന്നേരത്തോടെയാണ് വില കുത്തനെ ഉയർന്നത്. ഏറ്റവും പുതിയ കണക്കുകൾ പ്രകാരം, ഒരു ഗ്രാം സ്വർണത്തിന് 135 രൂപയും ഒരു പവന് 1,080 രൂപയുമാണ് ഒറ്റയടിക്ക് വർധിച്ചത്.

ഇതോടെ വിപണിയിൽ ഒരു പവൻ (22 കാരറ്റ്) സ്വർണത്തിന്റെ വില 1,04,320 രൂപയിലെത്തി. ഗ്രാമിന് 13,040 രൂപയുമാണ് പുതിയ നിരക്ക്. ഇന്ന് രാവിലെ വിലയിൽ നേരിയ കുറവുണ്ടായിരുന്നു. ഗ്രാമിന് 12,905 രൂപ എന്ന നിരക്കിലായിരുന്നു രാവിലെ വ്യാപാരം നടന്നത്. എന്നാൽ വൈകുന്നേരത്തോടെ വിപണി തലകീഴായി മറിയുകയും വില കുതിച്ചുയരുകയുമായിരുന്നു.

സ്വർണാഭരണങ്ങൾ വാങ്ങുമ്പോൾ ഈ അടിസ്ഥാന വിലയ്ക്ക് പുറമെ ജിഎസ്ടിയും പണിക്കൂലിയും അധികമായി നൽകേണ്ടതുണ്ടെന്ന കാര്യം ഉപഭോക്താക്കൾ ശ്രദ്ധിക്കണം. ആഭരണങ്ങളുടെ ഡിസൈനിലെ സങ്കീർണ്ണത അനുസരിച്ച് പണിക്കൂലിയിൽ 5 മുതൽ 15 ശതമാനം വരെ മാറ്റം വരാവുന്നതാണ്.