സംസ്ഥാനത്ത് സ്വർണവിലയിൽ ഇടിവ്; പവന് കുറഞ്ഞത് 1840 രൂപ

തിരുവനന്തപുരം : വിവാഹ വിപണിയിൽ നേരിയ ആശ്വാസം പകർന്ന് സംസ്ഥാനത്ത് ഇന്ന് സ്വർണത്തിന് വിലയിടിഞ്ഞു. പവന് 1840 രൂപയാണ് കുറഞ്ഞത്. ഇതോടെ വില 1,11,960ൽ നിന്ന് 1,10,120 രൂപയിലേക്ക് വീണു. തുടർച്ചയായ രണ്ടാം ദിവസമാണ് സ്വർണത്തിന് വിലയിടിയുന്നത്. ​ഗ്രാമിന് 230 രൂപ കുറഞ്ഞ് 13,765 ആയി.

ആ​ഗസ്ത് ഏഴിനാണ് അവസാനമായി സ്വർണവില 1,10,000ത്തിൽ താഴെ വന്നത്. സെപ്തംബറിൽ രേഖപ്പെടുത്തിയ ഏറ്റവും കുറഞ്ഞ നിരക്കും ഇതുതന്നെയാണ്. 24 കാരറ്റിന് പവന് 1,20,136 രൂപയും ​ഗ്രാമിന് 15,017 രൂപയുമാണ്. 18 കാരറ്റിന് പവന് 90,104 രൂപയും ​ഗ്രാമിന് 11,263 രൂപയുമാണ് വില.

അന്താരാഷ്ട്ര വിപണിയിലെ ചാഞ്ചാട്ടങ്ങളാണ് സംസ്ഥാനത്തും സ്വർണവിലയിലുണ്ടാകുന്ന ഏറ്റക്കുറച്ചിലുകൾക്ക് കാരണം. ഡോളർ- രൂപ വിനിമയ നിരക്ക്, ഇറക്കുമതി തീരുവ, ക്രൂഡ് ഓയിൽ വില, ആഭ്യന്തര ഓഹരി വിപണിയിലെ മാറ്റങ്ങൾ എന്നിവയെല്ലാം സ്വർണവിലയെ ബാധിക്കുന്ന ഘടകങ്ങളാണ്. പ്രാദേശകമായി പ്രവർത്തിക്കുന്ന ​ഗോൾഡ് അസോസിയേഷനുകളാണ് സംസ്ഥാനത്ത് സ്വർണവില നിശ്ചയിക്കുന്നതെങ്കിലും ആ​ഗോള വിപണിയിലെ ചെറിയ ചലനങ്ങൾ പോലും സ്വർണം വിലയിൽ പ്രതിഫലിക്കാറുണ്ട്.