പുസ്തകപ്പുര പദ്ധതിയിലേക്ക്‌ ചിന്ത പബ്ലിഷേഴ്സ് പുസ്‌തകങ്ങൾ കൈമാറി

തൃശൂർ

വായന ശീലമുള്ള കുട്ടികൾക്ക് വീട്ടിൽ കൊച്ചുവായനശാല തുടങ്ങുന്നതിന്‌ സൗജന്യമായി 50 പുസ്തകം നൽകുന്ന പുസ്തകപ്പുര പദ്ധതിയിലേക്ക്‌ ചിന്ത പബ്ലിഷേഴ്സ് 10,000 രൂപയുടെ പുസ്തകങ്ങൾ നൽകി. കേരള സാഹിത്യ അക്കാദമി സെക്രട്ടറി പ്രൊഫ.സി പി അബൂബക്കർ പുസ്തകപ്പുര കോ–- ഓർഡിനേറ്റർ ഡോ. കെ ആർ ബീനയ്ക്ക്‌ പുസ്തകങ്ങൾ കൈമാറി. ഡോ.എൻ ആർ ഗ്രാമ പ്രകാശ് അധ്യക്ഷനായി. ഫാ. പ്രിൻസ്, എം കെ അനൂപ് എന്നിവർ സംസാരിച്ചു.