മത്സ്യത്തൊഴിലാളി കടലിൽവീണ്‌ മരിച്ചു

ആലപ്പുഴ
മീൻപിടിത്തത്തിനായി നങ്കൂരമിട്ടിരുന്ന വള്ളത്തിലേക്ക്‌ പോയ തൊഴിലാളി കടലിൽവീണ് മരിച്ചു. ബീച്ച് വാർഡിൽ കുരിശുപറമ്പിൽ കെ പി സനീഷാണ്‌ (42) മരിച്ചത്. വെള്ളി പുലർച്ചെ മൂന്നോടെയാണ്‌ കടലിലേക്ക്‌ പോയത്‌.

വള്ളത്തിൽനിന്ന്‌ വീഴുകയായിരുന്നു. സിപിഐ എം ബീച്ച് പടിഞ്ഞാറ് ബ്രാഞ്ച് അംഗവും മത്സ്യത്തൊഴിലാളി യൂണിയൻ (സിഐടിയു) ഏരിയ കമ്മിറ്റി അംഗവും വാടയ്ക്കൽ കാഞ്ഞിരംചിറ മത്സ്യത്തൊഴിലാളി വികസന സഹകരണസംഘം ഭരണസമിതി അംഗവുമാണ്‌. സംസ്കാരം നടത്തി. അച്ഛൻ: പരേതനായ പുരുഷൻ. അമ്മ: ബീനാ കുമാരി. ഭാര്യ: സ്‌മിത. മകൻ: ദേവനന്ദൻ.