നിയമസഭയിൽ ഭരണഘടനാ ദിനാചരണം

തിരുവനന്തപുരം > ഭരണഘടന നിലവിൽ വന്നതിന്റെ എഴുപത്തഞ്ചാം വാർഷികദിനം ചൊവ്വാഴ്‌ച നിയമസഭാ സമുച്ചയത്തിൽ വിവിധ പരിപാടികളോടെ ആചരിക്കും. നെഹ്റു യുവകേന്ദ്രയുടെ നേതൃത്വത്തിൽ പദയാത്രയായി എത്തുന്ന പ്രവർത്തകർക്ക് രാവിലെ 10ന്‌ സ്വീകരണം നൽകും. നിയമസഭാ സമുച്ചയത്തിലെ ദേശീയ നേതാക്കളുടെ പ്രതിമകളിൽ പുഷ്പാർച്ചനയ്‌ക്കു ശേഷം സ്പീക്കർ എ എൻ ഷംസീർ ഭരണഘടനയുടെ ആമുഖം ചൊല്ലികൊടുക്കും. 28 വരെ നിയമസഭാ ലൈബ്രറിയിൽ നടക്കുന്ന പുസ്തക പ്രദർശനത്തിന്റെ ഉദ്ഘാടനവും സ്‌പീക്കർ നിർവഹിക്കും.