ജില്ലാ സ്കൂൾ ശാസ്ത്രോത്സവം ഇന്നുമുതല്‍

ഭക്ഷണം റെഡി

മേലാറ്റൂർ

ജില്ലാ ശാസ്ത്രോത്സവ നഗരിയിൽ പാചകപ്പുര സജീവമായി. കെഎസ്ടിഎ ജില്ലാ കമ്മിറ്റി നേതൃത്വത്തിലാണ്‌ ഭക്ഷണശാല ഒരുക്കിയത്‌. മൂന്നുദിവസവും പായസം ഉൾപ്പെടെ വിഭവസമൃദ്ധമായ സദ്യ നൽകാനാണ്  സംഘാടകരുടെ തീരുമാനം. ഒരേസമയം 600 പേർക്ക് ഭക്ഷണം കഴിക്കാനുള്ള സൗകര്യവും ഒരുക്കിയിട്ടുണ്ട്‌. ആർ എം ഹയർ സെക്കൻഡറി സ്കൂൾ മാനേജർ മേലാറ്റൂർ പത്മനാഭൻ പാലുകാച്ചൽ  ഉദ്ഘാടനംചെയ്തു. ഭക്ഷണകമ്മിറ്റി ചെയർമാൻ വി ഇ ശശിധരൻ അധ്യക്ഷനായി. കൺവീനർ ഷൈജി ടി മാത്യു, കെഎസ്ടിഎ ജില്ലാ ജോ. സെക്രട്ടറി വീരാപ്പു,  പ്രിൻസിപ്പൽ വി വി വിനോദ്, പിടിഎ പ്രസിഡ​ന്റ്  എം സതീഷ് കുമാർ, വി കെ റൗഫ്, കെ കെ സിദ്ദിഖ്, എം എൻ അരുൺ, ടി ജയേഷ്, പി ദീപ, പി ആർ ജയന്തി എന്നിവർ പങ്കെടുത്തു.