ദീപശിഖ പ്രയാണത്തിന്‌ ഉജ്വല വരവേൽപ്പ്‌

കോഴിക്കോട് 

തിങ്കളാഴ്‌ച എറണാകുളത്ത്‌ ആരംഭിക്കുന്ന ഒളിമ്പിക്‌സ്‌ മാതൃകയിലുള്ള സംസ്ഥാന കായികമേളയുടെ വരവറിയിച്ചുള്ള ദീപശിഖ റാലിക്ക് ജില്ലയുടെ വിവിധ ഭാഗങ്ങളിൽ ഉജ്വല സ്വീകരണം നൽകി. 

കാസർകോട്‌ ഹൊസ്‌ദുർഗിൽനിന്ന്‌ ആരംഭിച്ച ദീപശിഖ പ്രയാണം ശനിയാഴ്‌ചയാണ്‌ ജില്ലയിലെത്തിയത്‌. താമരശേരിയിലെ സ്വീകരണത്തിന്‌ ശേഷം മാനാഞ്ചിറ ഗവ. മോഡൽ ഹയർ സെക്കൻഡറി സ്കൂളിലെത്തി. നൂറുകണക്കിനാളുകൾ ചേർന്നാണ്‌ ദീപശിഖ റാലിയെ എതിരേറ്റത്‌. സ്വീകരണം പൊതു വിദ്യാഭ്യാസ വകുപ്പ് ജോയിന്റ്‌ ഡയറക്ടർ കെ അബൂബക്കർ ഉദ്ഘാടനംചെയ്തു. ഡോ. എ കെ അബ്ദുൾ ഹക്കീം അധ്യക്ഷനായി. ഡയറ്റ് പ്രിൻസിപ്പൽ അബ്ദുൾ നാസർ, വി പി മനോജ്, ജില്ലാ സ്പോർട്സ് കോ ഓർഡിനേറ്റർ ഡോ. ഷിംജിത്ത്, ജില്ലാ സ്പോർട്സ് സെക്രട്ടറി എം ദിലിപ്കുമാർ, ഡിപിഒ വി ടി ഷീബ എന്നിവർ സംസാരിച്ചു. ഡിഡിഇ മനോജ് കുമാർ സ്വാഗതം പറഞ്ഞു. രാമനാട്ടുകരയിലെ സ്വീകരണത്തിനുശേഷം ദീപശിഖ റാലി മലപ്പുറം ജില്ലയിൽ പ്രവേശിച്ചു.