‘കൊച്ചു ലോകവും കുഞ്ഞു മനുഷ്യരും’; കുടുംബബന്ധങ്ങളുടെ ഇഴയടുപ്പത്തിന്റെയും നോവുകളുടെയും കഥയുമായി ഋത്വിക് ബൈജു

തിരുവനന്തപുരം: കുടുംബബന്ധങ്ങളിലെ സ്നേഹവും സംഘർഷങ്ങളും പ്രമേയമാക്കി ഋത്വിക് ബൈജു രചനയും നിർമാണവും സംവിധാനവും നിർവഹിക്കുന്ന ചിത്രമാണ് ‘കൊച്ചു ലോകവും കുഞ്ഞു മനുഷ്യരും’. ആൻ സലീം, ശ്യാമപ്രസാദ്, അനൂപ് മോഹൻദാസ്, പ്രദീപ് കുമാർ, എസ് കെ മിനി, അനന്തപത്മനാഭൻ അരവിന്ദ്, വേദിക വിജേഷ് എന്നിവർ ചിത്രത്തിൽ അഭിനയിക്കുന്നു.

ഋത്വിക് ബൈജു

കുടുംബത്തിനുള്ളിലെ കൊച്ചു കൊച്ചു സംഘർഷങ്ങളും, അവയിലൂടെ കടന്നുപോകുന്ന ഒരമ്മയുടെയും രണ്ടു കുട്ടികളുടെയും അനുഭവങ്ങളുമാണ് ‘കൊച്ചു ലോകവും കുഞ്ഞു മനുഷ്യരും’ അവതരിപ്പിക്കുന്നത്. രാധിക പദ്മകുമാർ ഛായാഗ്രഹണവും അപ്പു എൻ. ഭട്ടതിരി എഡിറ്റിംഗും നിർവഹിക്കുന്നു. സിദ്ധാർത്ഥ പ്രദീപാണ് സംഗീത സംവിധായകൻ. സൗണ്ട് ഡിസൈനും മിക്സിങ്ങും സന്ദീപ് കുറിശ്ശേരി. പ്രൊഡക്ഷൻ ഡിസൈനർ ദിലീപ് ദാസ്. ലൈൻ പ്രൊഡ്യൂസർ ജയേഷ് എൽ ആർ. ശ്യാമപ്രസാദിന്റെ ഋതു സിനിമയുടെ അസി ഡയറക്ടറായി ചലച്ചിത്ര രംഗത്തെത്തിയ ഋത്വിക് ബൈജു നിരവധി ലഘുചിത്രങ്ങളും ഡോക്യുമെന്ററികളും സംവിധാനം ചെയ്തിട്ടുണ്ട്. ജീവനുള്ള സ്വപ്നങ്ങൾ എന്ന ഡോക്യുമെന്ററിയ്ക്ക് 2019ലെ സംസ്ഥാന ടെലിവിഷൻ അവാർഡ് ഉൾപ്പെടെ നിരവധി അംഗീകാരങ്ങൾ ലഭിച്ചു.